ތުރުކީ ބޯޑަރުން އަފްގާނިސްތާނުގެ މީހުން އެތެރެވިޔަ ނުދިނުމަށް ގްރީސްގައި ފެންސު ޖަހައިފި
ތުރުކީ ބޯޑަރު މެދުވެރިކޮށް އަފްގާނިސްތާނުގެ މީހުން ގްރީސްއަށް އެތެރެވިޔަ ނުދިނުމަށް ފެންސު ޖަހައިފިއެވެ.
ރިޕޯޓުތަކުން ބުނާގޮތުގައި އަފްގާނިސްތާނުން ގްރީސަށް މީހުން އެތެރެވިޔަ ނުދިނުމަށް އެ ޤައުމުން ވަނީ 40 ކިލޯމީޓަރުގެ ފެންސެއް ތުރުކީ ބޯޑަރާ ދިމާލުން ޖަހައިފައެވެ.
"ކަމެއް ވީމަ ފިޔަވަޅެއް އަޅަން އަހަރުމެންނަކަށް މަޑެއް ނުކުރެވޭނެ. އޭގެ ކުރިން ރައްކާތެރިކަމުގެ ފިޔަވަޅުތައް އަަޅައިގެން ތިބޭނީ. އަހަރެމެން ޖެހި ފެންސު ހަލާކެއް ނުކުރެވޭނެ" ގްރީސްގެ ސިޓިޒަން ޕްރޮޓެކްޝަން މިނިސްޓަރ މައިކަލިސް ކްރިސޯކޮއިޑިސް ބުންޏެވެ.
މައިކަލިސް މިހެން ބުނެފައި ވަނީ، އަފްގާނިސްތާނު ދޫކޮށް އަންނަ މީހުންގެ ޒިންމާ ޔޫރަޕްގެ ޤައުމުތަކުން ނެގުމަށް ތުރުކީގެ ރައީސް ރިސެޕް ތައްޔިޕް އުރްދުގާން ގޮވައިލުމާ ގުޅިގެންނެވެ.
ގްރީސްގެ ބޮޑު ވަޒީރު ކައިރިއާކޯސް މިޓްސޮޓަކިސްއާ ފޯނުން ދެއްކި ވާހަކަފުޅެއްގައި ތުރުކީގެ ރައީސް ވިދާޅުވީ ތާލިބާނުންގެ ބާރުގެ ދަށަށް އަފްގާނިސްތާނު ދިޔުމުގެ ސަބަބުން އެ ޤައުމު ދޫކޮށްދާ މީހުން ކުރިއަށް އޮތް ތަނުގައި އިތުރުވެސް ވެދާނެ ކަމަށާއި އެއީ އެންމެންނަށް ވެސް ހުރި ނުރައްކަލެއް ކަމުގައި ވެދާނެ ކަމަށެވެ.
"އީރާނާއި އަފްގާނިސްތާނުން އަޅަންވީ ފިޔަވަޅުތައް އަވަހަށް ނާޅައިފި ނަމަ، އަފްގާނުން މީހުން އެހެން ޤައުމުތަކަށް ދިޔުން ކޮންޓްރޯލުން ނައްޓަފާނެ" އެރްދުގާން ވިދާޅުވެފައިވެއެވެ.
އަފްގާނިސްތާނު ދޫކޮށް އެ ޤައުމުން ގިނަ އަދަދެއްގެ މީހުން ގޮސްފައި ވަނީ، ތާލިބާނުންގެ ބާރުގެ ދަށަށް އެ ޤައުމު ދިޔުމުންނެވެ.
