ދަރިންނާއެކު ޝިލްޕާ ޝެޓީ ފިރިމީހާއާ ދުރަށް ދަނީ؟
ބޮލީވުޑްގެ މަޝްހޫރު ފިލްމީތަރި ޝިލްޕާ ޝެޓީ، އޭނާގެ ދަރިން ގޮވައިގެން ފިރިމީހާއާ ދުރަށް ދާން އުޅޭކަމުގެ ވާހަކަތަކެއް ފެންމަތިވެއްޖެއެވެ.
ޝިލްޕާގެ ފިރިމީހާ ރާޖް ކުންދްރާއަކީ އިންޑިއާގެ ނަން މަޝްހޫރު ވިޔަފާރިއެކެވެ. ނަމަވެސް، ބަރަހަނާ މަންޒަރުތައް އެކުލެވޭ ވީޑިއޯތަކެއް އުފެއްދިކަމަށް ބުނާ މައްސަލައެއްގައި މިދިޔަ ޖުލައި މަހުގެ 19ވަނަ ދުވަހު އޭނާ ވަނީ ހައްޔަރުކޮށްފައެވެ.
އެކި އެޕްލިކޭޝަންތައް ބޭނުން ކޮށްގެން ބަރަހަނާ ވީޑިއޯތައް އުފައްދާ ވިޔަފާރި އުސޫލުން ބޭނުން ކުރި މައްސަލައިގައި ރާޖް ކުންދްރާ ހައްޔަރު ކުރުމަށް ފަހު، ފުލުހުން ވަނީ ކަފާލާތުގެ ދަށުން ވެސް އޭނާ ޖަލުން މިނިވަން ނުކުރުމަށް ކޯޓުގައި އެދިފައެވެ.
ފިރިމީހާ ޖަލަށްލުމުން، ދުވަސްކޮޅަކަށް ޝިލްޕާ ވެސް އުޅުނީ މީޑިއާތަކާ ދުރުގައެވެ. އަދި އެ ކޭސްއާ ގުޅޭގޮތުން އެއްވެސް ބަހެއް ބުނަން ބޭނުން ނުވާ ކަމަށާއި އޭނާއާއި އޭނަގެ އާއިލާ އެވާހަކަތަކާ ދުރުގައި ބެއިތިއްބުމަށް ވެސް ޝިލްޕާ ވަނީ އެދިފައެވެ.
"ބޮލީވުޑް ހަންގާމާ"އިން ދާދި ފަހުން ނެރުނު ރިޕޯޓެއްގައި ބުނެފައި ވަނީ، ޝިލްޕާ އޭނަގެ ދަރިންނާ އެކު ފިރިމީހާއާ ދުރުގައި ދިރިއުޅެން ވިސްނަމުންދާ ކަމަށެވެ.
ޝިލްޕާގެ ގާތް ރައްޓެއްސަކާ ހަވާލާދީ އެ ރިޕޯޓުގައި ބުނެފައި ވަނީ، ރާޖް ކުންދްރާގެ މައްސަލަގަނޑަށް ފަހު ޝިލްޕާ އަދިވެސް ހުރީ ޝޮކެއްގައި ކަމަށާއި ޝިލްޕާއަށް ރާޖް ހަދިޔާކުރި ޑަޔަމަންޑްތަކާއި އެހެނިހެން އަގުބޮޑެތި އެއްޗެއްސަކީ ވިޔާނުދާ ޢަމަލު ކޮށްގެން ރާޖް ކުންދްރާ ހޯދި ތަކެތިކަން ޝިލްޕާއަށް ނޭނގޭ ކަމަށެވެ.
އެ ރިޕޯޓުގައި އިތުރަށް ބުނެފައި ވަނީ، ރާޖް ކުންދްރާގެ އެއްވެސް މުދަލެއް ބޭނުން ކުރަން ވެސް ޝިލްޕާ މިހާރު ބޭނުމެއް ނުވެއެވެ.
ބަހީ ބޭބެ އާއި އެކު ނަށޭލާން..