އޯޑިއޯ މައްސަލަ މަޖިލީހުން ބޭރުކޮށްލުމުން ކޮމެޓީއަށް
ކުރީގެ ރައީސް، ރައީސް އަބްދުﷲ ޔާމީން އަބްދުލް ގައްޔޫމްގެ ޝަރީއަތުގައި ފަނޑިޔާރުންނަށް ނުފޫޒު ފޯރުވިކަމަށް ބުނެ އެ މައްސަލަ ތަހުގީގު ކުރުމަށް ހުށަހެޅި މައްސަލަ މަޖިލީހުން ބޭރުކޮށްލުމުން ތިން ކޮމިޓީއަކަށް ހުށަހަޅައިފިއެވެ.
އާދަމް ޝަރީފް ކުރެއްވި ޓްވީޓެއްގައި ވިދާޅުވީ ފަނޑިޔާރުންނަށް ރިޝްވަތު ދީ ބިރު ދެއްކި މައްސަލަ މަޖިލީހުގެ ތަޅުމަށް ބަލައި ނުގަތުމުން ލީކް ވެފައިވާ އޯޑިއޯއާ ގުޅިގެން އެ މައްސަލަ ބައްލަވައި ދެއްވުމަށް 241 ކޮމިޓީ، ހިއުމަން ރައިޓްސް ކޮމިޓީ އަދި ޖުޑިޝަރީ ކޮމިޓީއަށް ހުށަހަޅާފައިވާ ކަމަށެވެ.
ކުރީގެ ރައީސް އަބްދުﷲ ޔާމީން އަބްދުލްގައްޔޫމުގެ މައްޗަށް ހުކުމް އިއްވުމަށް ނުފޫޒު ފޯރުވިކަމަށް ދޭހަވާ ގޮތަށް ކްރިމިނަލް ކޯޓްގެ ތިން ފަނޑިޔާރުންތަކެއް ދައްކައިފައިވާ ވާހަކަތައްކަމަށް ބުނާ އޯޑިއޯތައް ރައްޔިތުންގެ މަޖިލީހަށް ހުށަހެޅުމުން މައްސަލައިގެ ބަހުސަށް ހުޅުވައިލަން ނުފެންނަ ކަމަށް 20 މެންބަރުން ވަނީ ވޯޓުދެއްވައިފައެވެ.
މި މައްސަލައާ ގުޅިގެން، ކްރިމިނަލް ކޯޓުގެ ފަނޑިޔާރު އަލްއުސްތާޛު ޙުސައިން ފާއިޒު ރަޝާދުއާއި އެ ކޯޓުގެ ފަނޑިޔާރު އަލްއުސްތާޛު ޢަލީ އާދަމްއާއި ޑްރަގް ކޯޓުގެ ފަނޑިޔާރު އަލްއުސްތާޛު މުޙައްމަދު ސަމީރުގެ ވަނީ މީޑިއާގައި ދައުރުވަމުންދާ އޯޑިއޯތަކަކީ ޞައްޙަ އޯޑިއޯތަކެއް ނޫން ކަމަށާއި އެފަދަ ވާހަކަތަކެއް ދައްކައިފައި ނުވާނެކަމަށް ވިދާޅުވެފައެވެ.
