ފޮޓޯ ލީކުކޮށްގެން ހައްޔަރުކުރި މީހާގެ ހާޑްޑްރައިވުން މިލިއަނެއްހާ ބަރަހަނާ ފޮޓޯ
ފޮޓޯ ލީކުކޮށްގެން ހައްޔަރުކުރި މީހާގެ ހާޑްޑްރައިވުން މިލިއަނެއްހާ ފޮޓޯ ފެނިފައިވާ ކަމަށް ފުލުހުން ކްރިމިނަލް ކޯޓުގައި ވިދާޅުވެއްޖެއެވެ.
މީހެއްގެ ފޯނު ހެކްކޮށް، އެ ފޯނުގައި ހުރި ފޮޓޯތަކެއް ސޯޝަލް މީީޑިއާއަށް ލީކުކޮށްލި ކަމަށް ތުހުމަތު ކުރެވޭ މީހަކު ފުލުހުން ހައްޔަރުކޮށްފައި ވަނީ މިދިޔަ އޮގަސްޓު މަހުގެ ތެރޭގައެވެ. މި މައްސަލައިގައި ހައްޔަރުކުރީ މއ. އިސްޕަންޖުގޭ މުހައްމަދު މަސާއިދު ބިން ސަމީއު 36އ އެވެ. މަސާއިދަކީ މީގެ ކުރިން ވެސް މިފަދަ އަމަލުތަކެއް ހިންގި ކަމުގެ ރެކޯޑު އޮތް މީހެއް ކަމަށް ފުލުހުން ވިދާޅުވިއެވެ.
މި މައްސަލައާ ގުޅިގެން ވިކްޓިމްގެ ފޮޓޯތަކެއް ސޯޝަލް މީޑިއާއަށް ލީކްކޮށްފައިވާކަން އެނގޭ ސްނެޕްޝޮޓްތަކެއް ވެސް ފުލުހުން ވަނީ ކޯޓަށް ހުށަހަޅައިފައެވެ. ފުލުހުން ވިދާޅުވީ އޭނާ މަސައްކަތް ކުރާ އޮފީހާއި ގެއިން ގިނަ އަދަދެއްގެ އިލެކްޓްރޯނިކް ސާމާނު ފުލުހުން އަތުލައިގެންފައިވާ ކަމަށެވެ.
މީގެ އިތުރުން އޭނާގެ އޮފީހުގައި އޮތް ދެ ޓީބީގެ ހާޑް ޑްރައިވަކުން މިލިއަނެއްހާ ފޮޓޯއާއި ޕާސަނަލް ފައިލްތައް ހޯދިފައިވާކަމަށް ފުލުހުން ވަނީ ވިދާޅުވެފައެެވެ.
Ads by STO
