އަތޮޅު ކައުންސިލްގެ ނައިބު ރައީސުންގެ މުސާރަ ބޮޑުކުރަން މަޖިލީހުން ފާސްކޮށްފި
އަތޮޅު ކައުންސިލްތަކުގެ ނައިބު ރައީސުންގެ މުސާރަ ބޮޑުކުރުމަށް ރައްޔިތުންގެ މަޖިލީހުން ފާސްކޮށްފިއެވެ.
ލޯކަލް ގަވަރމަންޓް އޮތޯރިޓީން މަޖިލީހަށް މި ބިލް ހުށަހެޅުއްްވުމާ ގުޅިގެން އަތޮޅު ކައުންސިލްގެ ނައިބު ރައީސްކަމަށް ހޮވޭ ބޭފުޅަކަށް 1000 ރުފިޔާގެ އެލަވަންސެއް ދެއްވުމަށް ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ވަނީ މަޖިލީހަށް ހުށަހަޅައިފައެވެ.
މިއާއެކު ކޮމިޓީގެ އަޣްލަބިއްޔަތުން އަތޮޅު ކައުންސިލްގެ ނާއިބުންނަށް މުސާރައާއި އިނާޔަތުގެ ގޮތުގައި 21000 ރުފިޔާ ލިބޭނެ ކަމަށް ފާސްކޮށްފައިވެއެވެ. މާލިއްޔަތު ކޮމިޓީން ނިންމި ގޮތަށް ތަޅުމުން ފާސްކޮށްފައި ވަނީ 41 މެމްބަރުންގެ ވޯޓުންނެވެ.
އަތޮޅު ކައުންސިލްތަކުގެ ނައިބު ރައީސުންގެ ގޮތުގައި ޢައްޔަންކުރާ ފަރާތަށާއި އަދި އަތޮޅު ކައުންސިލްގެ ޢާންމު މެންބަރުންގެ ގޮތުގައި ތިއްބަވާ ފަރާތްތަކަށް މިހާރު މުސާރައާއި އިނާޔަތުގެ ގޮތުގައި ލިބެނީ 20،000 ރުފިޔާއެވެ. މި ނިންމުމާއެކު އަތޮޅު ކައުންސިލްގެ ރައީސުންނަށް މުސާރައާއި އެލަވަންސްގެ ގޮތުގައި ލިބިގެން ދާނީ 28000 ރުފިޔާއެވެ.
