މިސަރުކާރުން އަނިޔާވެރިއެއް ނުވާނެ، އެމްޑީޕީ އަނިޔާއާ ދެކޮޅުވާނެ: ޣަފޫރު
މިސަރުކާރަކީ އަނިޔާވެރި ސަރުކާރެއް ނޫން ކަމަށާއި އެއްވެސް މީހަކަށް އަނިޔާއެއް ދިނުމަށް މިސަރުކާރުން ތާއީދު ނުކުރާނެކަމަށް ރައްޔިތުންގެ މަޖިލީހުގެ ހަނިމާދޫ ދާއިރާ މެމްބަރު ޢަބްދުލް ޣަފޫރު މޫސާ ވިދާޅުވެއްޖެއެވެ.
ޣަފޫރު މިފަދައިން ވިދާޅުވެފައި ވަނީ ހުޅުމާލޭ ޖަލުގައި ހުރި ގައިދީއަކު ނިޔާވުމާ ގުޅިގެން އާއިލާއިން ކުރާ ތުހުމަތުތައް ބަލައި މިނިވަން ތަހްޤީޤެއް ކުރުމަށް ސަރުކާރަށް ގޮވައިލާ ހުށައަޅާ ކުއްލި މައްސަލައިއިގައި ވާހަކަ ދައްކަވަމުންނެވެ.
ޣަފޫރު ވިދާޅުވީ މި ސަރުކާރަށް ތިން އަހަރު ވެގެން ދިޔަ އިރު ޖަލުގައި މަރުވެފައި ވަނީ އެންމެ މީހެއް ކަމަށެވެ. އެހެން ނަމަވެސް ކުރީ ސަރުކާރުގައި ޖަލުގައި 10 މީހުން މަރުވެފައިވާ ކަމަށާއި ޖަލުގެ ކަންތައްތައް ރަނގަޅަށް މި ސަރުކާރުން ބެލޭ ކަމަށް ވިދާޅުވިއެވެ. އަދި ކުރީ ސަރުކާރުގައި ޖަލުގައި 10 މީހުން މަރުވި އިރު އެންމެ މައްސަލައެއް ވެސް މަޖިލީހަށް ހުށަނޭޅޭ ކަމަށް އޭނާ ވިދާޅުވިއެވެ.
ޣަފޫރު ވިދާޅުވީ މިމައްސަލައިގައި ސަރުކާރުން ބަލަންޖެހޭ ހުރިހާ ކަމެއް ބަލާނެ ކަމަށާއި އިހުމާލެއްވޭތޯ ވެސް ބަލާނެ ކަމަށެވެ.
“އަޅުގަނޑުމެންނެއް އަނިޔާ ވެރިއެއް ނުވާނެ. މިސަރުކާރުން އަނިޔާވެރިއެއް ނުވާނެ. އެމްޑީޕީއަކުން އަނިޔާވެރިއެއް ނުވާނެ” ޣަފޫރު ވިދާޅުވިއެވެ.
ހުޅުމާލެ ޖަލުގައި 3 (ތިން) އަހަރުގެ ޖަލު ޙުކުމެއް ތަންފީޒު ކުރަމުންދިޔަ މީހަކު ނިޔާވެފައި ވަނީ އިއްޔެގެ ވަގުތެއްގައެވެ. މޯލްޑިވްސް ކަރެކްޝަނަލް ސާވިސްއިން މައުލޫމާތު ދީފައިވާ ގޮތުގައި، ހުޅުމާލޭ ޖަލުން ނިޔާވީ ގދ. ވާދޫ/ ޖަނަވަރީގެ މުޙައްމަދު އަސްލަމް (40 އަހަރު)އެވެ. އަސްލަމަކީ މަސްތުވާތަކެތީގެ މައްސަލައެއްގައި ޖަލު ހުކުމެއް ތަންފީޛުކުރަމުން ދިޔަ ފަރާތެއް ކަމަށާއި ނިޔާވިއިރު މީނާއަކީ ބޮޑު ބައްޔަކަށް ބޭސްފަރުވާ ކުރަމުން ދިޔަ ފަރާތެއް ނޫންކަމަށް ވެސް ކަރެކްޝަންސްއިން ވަނީ ފާހަގަ ކޮށްފައެވެ.
ޑޮކްޓަރުން އެމީހާ ބައްލާވާފަ ނެރުއްވާ ރިޕޯޓް ޢާއިލައާއި ޙިއްޞާކުރާއިރު މަޖްލީހުގެ ބޭފުޅަކު ވަޑައިގެން ހަމަ އެރިޕޯޓް ޙަވާލުކުރާއިރު އެކަމުގައި ހެކިވެ ވަޑައިގަންނަވާއިރު ވަގުތުނޫހުގެ ރިޕޯޓަރަކާއި ޕީޕީއެމް، ޕީއެންސީ ގެ މީހަކު ގެންގޮސް އެމީހުންނާވެސް ހަމަ އެރިޕޯޓްގެ ކޮޕީ ޑޮކްޓަރު އަތްޕުޅުން ލިބޭނެ ގޮތެއް މޯލްޑިވް ޕޮލިސް ސަރވިސް އިން ހައްދަވައިދެއްވުން އެދި އާދޭސް ދަންނަވަން. އެހެންނޫނީ ކޮންމެސް އެއްޗެކޭ ކިޔައިގެން ޤައުމުގައި އިތުރު ފަސާދައިގެ ހުޅުގަނޑެއް ރޯކުރާނެ
މިސަރުކާރުން މަށައް ވަރަށް އަނިޔާ ވެރިވޭ އެބަ، ތީ ހުސް ދޮގު
މޑޕ އައް އަނިޔާާަ ދެކޮޅު ވެވޭނީ ދެން.ތިހާކަނވަރަށް އެހެންނު
ބޯޑު އެޅުވިޔަކަސް ނުވާނެ !
އަނިޔާވެރިކަން އިންތިހާ!
އިތުރަށް އަނިޔާވެރި ވެއްޖެއްޔާ މިބިންމަތީ އުޅުމަކީ ވާނެކަމެއްނޫން!