ކުށްވެރިންނަށް ފިލާވަޅެއްގެ ދިނުމުގެ ގޮތުން، މީހަކު ރަހީނުކުރަން އުޅުނު ބަޔަކު މަރައިލުމަށް ފަހު އެލުވީ ކެރޭނެއްގައި
އަފްގާނިސްތާނުގައި ވެރިކަން ކުރަމުން އަންނަ ތާލިބާނުންގެ ޖަމާއަތުން ކުށްވެރިޔަކު މަރައިލުމަށް ފަހު ކެރޭނެއްގައި އެލުވައިފިއެވެ.
ރޮއިޓާސްއިން ރިޕޯޓްކޮށްފައިވާ ގޮތުގައި އަފްގާނިސްތާނުގައި ކުށްވެރިންނަށް ޖާގަ ނެތްކަން ހާމަ ކުރުމަށް، މިކަންކޮށްފައި ވަނީ އަފްގާންގެ ހިރާތު ސިޓީގެ ސިޓީ ސްކޮޔާގައެވެ. ކިޑްނެޕް ކުރުމުގައި އުޅުނު ހަތަރު މީހަކު މަރައިލި ނަމަވެސް ކެރޭނަށް އެރުވީ އެކެއްގެ ހަށިގަނޑެވެ. އެމީހުން މަރައިލާފައި ވަނީ ތާލިބާނުންނާއި ކިޑްނެޕަރުންނާ ދެމެދު ހަމަލާތަކެއް ބަދަލު ކުރުމަށް ފަހުއެވެ. މި ހަމަލާތަކުގައި ތާލިބާނުންގެ ބަޔަކާއި އާއްމުންނަށް ވެސް އެކި ވަރުގެ ޒަޚަމްތައް ލިބިފައި ވެއެވެ.
ކިޑްނެޕަރުން ، ކިޑްނެޕްކޮށްގެން ގެންގުޅުނީ ވިޔަފާރިވެރިއަކާއި އޭނާގެ ދަރިފުޅެކެވެ. ތާލިބާނުން ވަނީ މި މީހުން ހޯދައި ބައްޕައާއި ދަރިފުޅު ސަލާމަތްކޮށްފައެވެ.
ސިޓީ ސްކޮޔާގައި އެކެއްގެ ހަށިގަނޑު އެލުވިއިރު، އެ ސަރަަހައްދުގައި ސްޕީކަރު ބޭނުންކޮށްގެން ތާލިބާނުގެ ކޮމާންޑަރަކު ވަނީ ވާހަކަ ދައްކައިފައެވެ. އޭނާ ބުނެފައި ވަނީ، ތާލިބާނުން އަބަދުވެސް އަމާންކަމަށް މަސައްކަތް ކުރާ ކަމަށެވެ. އަދި އަފްގާނިސްތާނުގައި ކުށްވެރިންނަށް ފުރުސަތު ނެތް ކަމަށް ބުނަމުން، މިއީ ކުށްވެރިންނަށް ފިލާވަޅެއް ކަމަށް ވެސް އޭނާ ބުންޏެވެ.
ޜާއްޖޭގަވެސް ތިހެން ހަދަންވީ
ޜާއްޖޭގަވެސް ތިހެން ހަދަންވީ ވ ރަނގަޅު ވާހަކައެއް
ރާއްޖޭގައިވެސް މިހެންވާނަަމައެއްނު، މިގޮތް މާ ރަނގަޅު