ތަކުރާރުކޮށް މިސްކިތަށް ކުޑަކަމުދާ މީހާއާ މެދު ފިޔަވަޅު ނޭޅުމުން ދީނީ އިލްމުވެރިންގެ ނުރުހުން!

މިސްކިތަށް ތަކުރާރުކޮށް ކުޑަކަމުދިޔަ މީހާ މިއަދު ހަތިމަކަށް ކުޅު ޖެހުމުން ވެސް އޭނާއާ މެދު ފިޔަވަޅެއް ނޭޅުމުން ދީނީ އިލްމުވެރިން ނުރުހުން ފާޅުކޮށް ސަރުކާރަށް ފާޑުކިޔަން ފަށައިފިއެވެ.
އެނގިފައިވާ ގޮތުގައި ރައީސް އޮފީސް ކުރިމައްޗަށާއި ބައެއް މިސްކިތްތަކަށް ކުރިން ކުޑަކަމުދިޔަ މި މީހާ، މިސްކިތަކަށް އަރައި ހަތިމަކަށް ކުޅު ޖަހައިފައި ވަނީ މިއަދު ހަވީރުގެ ވަގުތެއްގައެވެ.
މިއާއެކު ދީނީ އިލްމުވެރިން ވަނީ ސަރުކާރަށް ފާޑުކިޔައި ޝޯޝަލް މީޑިޔާގައި އަޑުއުފުލަން ފަށައިފައެވެ. މިގޮތުން މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް ވިދާޅުވީ އޭނާއަށް ދޭނެ އަދަބެއް ގާނޫނުލް ޢުގޫބާތުގައި ލިޔެވިފައި ނެތް ނަމަ ތަޢްޒީރީ އަދަބެއް ދޭންޖެހޭ ކަމަށެވެ.
https://twitter.com/dr_iyaz/status/1457378751520542724
މީގެ އިތުރުން ޝައިހް އަލީ ޒައިދު ވިދާޅުވިގޮތުގައި މި މީހާގެ މި އަމަލަކީ ލާދީނީ ބަޔަކު އަޑީގައި ތިބެގެން ކުރުވާ ކަމެއްކަމަށް ބެލެވޭކަމެވެ.
"އަޅުގަނޑު ވަރަށް ބޮޑަށް ބެލެވޭ ލާދީނީ ބަޔަކު އަޑީގައި ތިބެގެން ކަމަށް މި މިސްކިތަށް ހީސްލައި ހަތިމް ކުޅުޖަހާ ކަލޭގެ މިއުޅެނީ! މިކަހަލަ ނުބައި ޖަރީމާ ހިންގައި އެ ޖަރީމާތަކަށް އެކަށީގެންވާ ފިޔަވަޅު ނޭޅޭ ނަމަ ދެން ހަމަނުޖެހުން ހިންގުމަށް މަގުފަހިވޭ. ހާދަ ބޮޑު ކުށެކޭ މިއީ އަސްލު" ޝައިހް އަލީ ޒައިދު ވިދާޅުވިއެވެ.
https://twitter.com/alizaid1000/status/1457331968333344768
މީގެ އިތުރުން ސަލަފް ޖަމްއިއްޔާގެ އިސްފަރާތެއް ކަމުގައިވާ އަލީ ރަމީޒް ވިދާޅުވީ މިސަރުކާރަކީ ލާދީނީ ސަރުކާރެއް ކަމަށެވެ.
"މިވަރުގެ ލާދީނީ ގޮތް ކުޑަ ސަރުކާރެއް އަޅުގަނޑު ހަޔާތުގައި ވެސް ނުދެކެން" އަލީ ރަމީޒް ވިދާޅުވިއެވެ.
https://twitter.com/aliramyz/status/1457366399416864772
މީގެ ކުރިން އިސްލާމީ މަރުކަޒާއި ހުކުރު މިސްކިތް އަދި ރައީސް އޮފީސް ކުރިމައްޗަށް ކުޑަކަމު ދިޔުމުން ވެސް ދޫކޮށްލައިފައިވާ ހަސަން ޒިޔާދު، މިއަދު މިސްކިތެއް ތެރެއަށް ވަދެ ހަތިމަކަށް ކުޅު ޖެހުމުން އާންމުންގެ ގިނަ ބަޔަކު އަންނަނީ އޭނާއާ މެދު ފިޔަވަޅު އެޅުމަށް ގޮވައިލައި، ފުލުހުންނަށް ވަރަށް ބޮޑަށް ފާޑު ކިޔަމުންނެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.