ލަފާ ދިން ވަރަށްވުރެ ކުޑަކޮށް، އެންމެ ދަށް މުސާރައަކީ 4500 ރުފިޔާ ކަމަށް ކަނޑައަޅައިފި
ރާއްޖޭގެ ފުރަތަމަ މިނިމަމް ވޭޖު ނުވަތަ މަސައްކަތްތެރިންނަށް ދެވޭނެ އެންމެ ކުޑަ އުޖޫރައިގެ ގޮތުގައި 4500 ރުފިޔާ ކަނޑައަޅައިފިއެވެ.
ހޮޓެލް ޖެންގައި މިހާރު ކުރިއަށް ދާ ރަސްމިއްޔާތެއްގައި އިކޮނޮމިކް މިނިސްޓަރު ފައްޔާޒު އިސްމާއިލް ވަނީ ހަތަރު ކެޓަގަރީއަކުން މިނިމަމް ވޭޖް ކަނޑައަޅުއްވައިފައެވެ. އެންމެ ކުޑަ އުޖޫރަ ކަނޑައެޅުމުގެ ގަރާރުގައި ސޮއިކުރެއްވުމަށް ފަހު މިނިސްޓަރ ފައްޔާޒު ވިދާޅުވީ އުޖޫރަ ކަނޑައެޅި ކަމުގައިވީ ނަމަވެސް ގެންނަން ޖެހޭ ބަދަލެއް ގެންނަން ޖެހިއްޖެ ނަމަ އެ ބަދަލެއް ގެނައުމަށް ސަރުކާރުން ފަހަތަށް ނުޖެހޭނެ ކަމަށެވެ.
މިއަދު ކަނޑައެޅި އެންމެ ކުޑަ އުޖޫރައަކީ ކުދި ވިޔަފާރިތަކަށް މަހަކު 4500 ރުފިޔާ، މެދު ފަންތީގެ ވިޔަފާރިތަކަށް މަހަކު 7000ރުފިޔާ، ބޮޑެތި ވިޔަފާރިތަކަށް މަހަކު 8000ރުފިޔާ، އަދި ދައުލަތުގެ މުވައްޒަފުންގެ އެންމެ ކުޑަ އުޖޫރައިގެ ގޮތުގައި މަހަކު 7000 ރުފިޔާއެވެ.
މިދިޔަ އަހަރު އެންމެ ކުޑަ އުޖޫރައިގެ ގޮތުގައި ލަފާ ދީފައި ވަނީ 6،400 ރުފިޔާއާއި 8،000 ރުފިޔާއާ ދެމެދުގެ އަދަދަކަށެވެ. މިނިމަމް ވޭޖު ކަނޑައެޅުމަކީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙްގެ ރިޔާސީ ވައުދެކެވެ.
ހައްތަވެސް ދެބޯގެރި ދުއްވަނީ
ކޮބާ ހީވީކަމެއްހެން ކުޑަކުރަން ޖެހޭ ކަމެއްވިއްޔާ ބޮޑުކޮށްފަ ބޮޑުކުރަން ޖެހޭ ކަމެއްވިއްޔަ ކުޑަކޮށްފަ މިއޮތީވާ
ޙިޔަޅުކަން ދައްކާލީ ދޯ އަނެއްކާވެސް