އަނޫޕަމާގެ މަންމަގެ ރޯލު ކުޅޭ މަދަވީ ކޮވިޑް ޖެހިގެން މަރުވެއްޖެ
ސްޓާ ޕްލަސްގެ ސިލްސިލާ "އަނޫޕަމާ"ގައި މަންމަގެ ރޯލު އަދާކުރި މާދަވީ ގޯގޭޓް ކޮވިޑަށް ފަރުވާ ހޯދަމުން ދަނިކޮށް މަރުވެއްޖެއެވެ.
Ads by STELCO
މާދަވީ ކޮވިޑަށް ފައްސުވީ މީގެ ދުވަސްކޮޅެއް ކުރިންނެވެ. ފައްސިވެ ހާލު ދެރަވުމުން ހޮސްޕިޓަލުގައި އޭނާއަށް ފަރުވާދޭން ފެށިއެވެ. އޭނާ މަރުވީ މުމްބާއި ސެވެން ހިލްސް ހޮސްޕިޓަލުގައި ފަރުވާ ހޯދަމުން ދަނިކޮށެވެ.
ސްޓާރ ޕްލަސްގެ "އަނޫޕަމާ" ސިލްސިލާއަކީ މިހާރު އެންމެ ގިނަ މީހުން ބަލާ އެއް ޑްރާމާއެވެ. މިހާރު ޓީއާރުޕީގެ އެންމެ ކުރި ހޯދައިފައި ވަނީ ވެސް ސްޓާޕްލަސްގެ "އަނޫޕަމާ"އެވެ.
މި ޑްރާމާގައި އަނޫޕަމާގެ ރޯލު ކުޅެނީ ރުޕާލީގަންގޫލީއެވެ. މި ޝޯ ގިނަ ބަޔަކަށް ކަމުދަނީ އަމިއްލަ ދިރިއުޅުމުގައި ދިމާވާ ކަހަލަ ހާދިސާތައް ވަރަށް ގަބޫލުކުރެވޭ ގޮތަކަށް ޝޯގައި ދައްކާތީއެވެ. އަނޫޕަމާއަކީ 2020ވަނަ އަހަރު ސްޓާ ޕްލަސްއިން ދައްކަން ފެށި ޝޯއެކެވެ.
ވަކިވެގެން ދިޔަ މާދަވީއާ ބެހޭ ގޮތުން ، އޭނާއާއެކު މަސައް ކަތް ކުރި އެންމެން ވެސް ބުނީ އޭނާއަކީ ވަރަށް ހިތްހެޔޮ މީހެއް ކަމަށާއި ޝޫޓިންތަކުގައި އޭނާއަކީ ވަރަށް ސަކަރާތް ޖަހާ މަޖާ މިޒާޖެއްގެ މީހެއް ކަމަށެވެ.
Ads by Allied Insurance
