މަނީ ހައިސްޓް 5ގެ ވޮލިއުމް މިއަދު ނިކުންނަނީ، ތައްޔާރުތަ؟

ދިވެހިންގެ މެދުގައި މަޤުބޫލު ވެބް ސީރީޒް، މަނީ ހައިސްޓްގެ ސީޒަން 5ގެ ވޮލިއުމް ދޭއް މިއަދު ނެޓްފްލިކްސްއިން ސްޓްރީމް ކުރެވޭނެއެވެ.

Ads by Hajj Corporation

މަނީ ހައިސްޓްގެ އެންމެ ފަހު ސީޒަންގެ ފުރަތަމަ ވޮލިއުމް ރިލީޒްކޮށްފައި ވަނީ ސެޕްޓެމްބަރު މަހުގެ 3ވަނަ ދުވަހުއެވެ. ސީޒަން 4ގައި މަނީ ހައިސްޓުގެ މުހިންމު އެއް ރޯލުކަމަށްވާ “ނައިރޯބީ”ގެ ކެރެކްޓާ މަރުވިއެވެ. ނައިރޯބީގެ މަރާ އެކު އެންމެ ފަހު ވޮލިއުމްގައި އިތުރު ކެރެކްޓާއެއް މަރު ނުވެ، ހައިސްޓް ކާމިޔާބުވާން ބޭނުންވި ނަމަވެސް ފަހު އެޕިސޯޑު ނިމިގެން ދިޔައީ ގިނަ ބައެއްގެ ލޯބި ހޯދައިފައިވާ ކެރެކްޓަރ “ޓޯކިއޯ”ގެ މަރާއެކުއެވެ.

އެ ސީޒަން ފެށުނީ އިންސްޕެކްޓަރ އެލިސާ، ޕްރޮފެސަރގެ ލޮކޭޝަން ހޯދާ، ޕްރޮފެސަރ އޭނާގެ ބާރުގެ ދަށަށް ގެންނަ ހިސާބުންނެވެ. އޭގެ ފަހުން މި ސީޒަންގައި ކުރީ ސްޕެއިންގެ ފުލުހުންނާ އެކީ ހަނގުރާމައެވެ. އެންމެ ފަހުން ފުލުހުންނަށް މަތަވާވަރު ނުވެގެން އެ ސީޒަންގައި ސިފައިން ވެސް އާދެއެވެ.

މިދިޔަ ސީޒަނުގައި އެންމެ ވަރުގަދަ ފުލުސް އޮފިސަރުގެ ކެރެކްޓާ “އެލީސިއާ ސިއޭރާ” ގޭންގާ ގުޅިދާނެ ކަމުގެ އުންމީދު ވެސް އިތުރަށް ވަނީ އައުވެފައެެވެ. “ޕްރޮފެސަރުގެ” އެހީއާ އެކު ވިހެއުމަށް ފަހު، ގޭންގުގެ ޕްލޭންތައް ފަނިކޮށްލަން އޭނާ އެއްވެސް ކަމެއް ކޮށްފައި ނުވެއެވެ.

މަނީ ހައިސްޓް ސީޒަން ފަހެއްގެ ވޮލިއުމް ދޭއްގެ ޓްރެއިލާ މިހާރު ވަނީ އާންމުކޮށްފައެވެ. މިއާ އެކު ގިނަ ބަޔަކު ދަނީ އައު ވޮލިއުމްއަށް އިންތިޒާރުކުރަމުންނެވެ. އިންތިޒާރަށް ނިމުމެެއް އަންނަނީއެވެ. މިއަދު މެންދުރު ނެޓްފްލިކްސްއިން ވޮލިއުމް ދޭއް ބަލައިލެވޭނެއެވެ.

2017ވަނަ އަހަރު ނެރުނު މި ސީރީސް ވެގެން ދިޔައީ އާންމުންގެ ބޮޑު މަގުބޫލުކަމެއް ހޯދި ސީރީޒްއަކަށެވެ. މިހާރު އެންމެ ގިނަ މީހުން ބަލަމުންދާ ސީރީޒްތަކުގެ ލިސްޓުގައި މަނީ ހައިސްޓް ހިމެނެއެވެ.