ފައްޔާޒުގެ ހިންގުންތެރިކަމަށް މެމްބަރު ނިހާދުގެ ތަޢުރީފް

އެމްޑީޕީގެ ޗެއާޕާސަންގެ މަޤާމަށް ވާދަކުރައްވާ އިކޮނޮމިކް މިނިސްޓަރ ފައްޔާޒު އިސްމާއިލަށް، ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވަރަށް ބޮޑަށް ތަޢުރީފް ކުރައްވައިފިއެވެ.

Ads by Sosun Fihaara

ނިހާދު ކުރެއްވި ޓްވީޓެއްގައި ވިދާޅުވީ، އެހެން ގައުމުތަކާ އަޅާ ބަލާ އިރު ރާއްޖެ ސަލާމަތްކޮށްފައިވާ ކަމަށެވެ. އަދި މިކަން ކުރެވުނީ މިނިސްޓަރ ފައްޔާޒުގެ ވިސްނުންތެރި އިގްތިސާދީ ޕްލޭންގެ ސަބަބުން ކަމަށް ނިހާދު ވިދާޅުވިއެވެ.

ފައްޔާޒުގެ ހިންގުންތެރިކަމާއި، ގެންނަމުންދާ ހެޔޮ ބަދަލުތަކުގެ ސަބަބުން، ރައްޔިތުންނަށް އެކަމުގެ ފޮނި ނަތީޖާ ލިބެމުންދާކަމަށް ވެސް ނިހާދު މީގެ ކުރިން ވަނީ ވިދާޅުވެފައެވެ. އަދި ޤައުމާއި ރައްޔިތުންގެ ހައްޤުގައި، މިނިސްޓަރ ފައްޔާޒު ކުރެއްވި މަސައްކަތް އުފަލާ އެކީ ބަލައިގަންނަން ޖެހޭ ކަމަށް ނިހާދު ވިދާޅުވިއެވެ.

މިނިސްޓަރ ފައްޔާޒު އެމްޑީޕީގެ ޗެއާޕާސަންގެ މަޤާމަށް ވާދަކުރައްވާނެކަމަށް އިއުލާންކޮށްފައި ވަނީ މިމަހުގެ 10ވަނަ ދުވަހުއެވެ.

ފައްޔާޒްގެ އިތުރުން އެ މަގާމަށް ދެން ވާދަ ކުރައްވަނީ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ(އިންތި)އެވެ. އަންނަ އޭޕްރީލްމަހުގެ 16 ވަަނަ ބާއްވާ މި އިންތިޚާބުގެ ފޯރި މިހާރު ދަނީ ގަދަވަމުންނެވެ.