އެއާޕޯޓުތެރެއިން އަތުލައިގަތް ބަނގުރާފުޅިތަކެއް ނައްތާލައިފި

ނ.މާފަރު ޕޮލިސް ސްޓޭޝަނުގެ ބެލުމުގެ ދަށުގައި ހުރި ބަނގުރާފުޅިތަކެއް ނައްތާލައިފިއެވެ.

Ads by STELCO

ފުލުހުން މިއަދު ނައްތާލައިފައިވަނީ 94 ފުޅި ބަނގުރަލާއި, 41 ދަޅު ބިޔަރެވެ.

މި ތަކެއްޗަކީ މި އަހަރުގެ ޖޫން 03 ވަނަ ދުވަހުން މި މަހުގެ 10 ވަނަ ދުވަހާ ހަމައަށް މާފަރު އިންޓަނޭޝަނަލް އެއާޕޯޓަށް ފުރަންދިޔަ ފަތުރުވެރިންގެ އަތުން ފެނިގެން އެމްއެންޑީއެފްއިން ފުލުހުންނާ ހަވާލުކޮށްފައިވާ ތަކެތިކަމަށް ފުލުހުން ބުންޏެވެ.

ފުލުހުން ބުނީ އެ ތަކެތި ނައްތައިލީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުން ކަމަށެވެ.