''މަޖިލީހުގެ ރައީސްކަމަށް ދެން އެންމެ ރަނގަޅީ ޤާސިމް''

ރައްޔިތުން މަޖިލީހުގެ ރައީސްކަމަށް ދެން އެންމެ ރަނގަޅީ ޖުމްހޫރީ ޕާޓީގެ ލީޑަރު ޤާސިމް އިބްރާހިމްކަމަށް ނޮޅިވަރަމް ދާއިރާގެ މެންބަރު މުޙައްމަދު ނަޝީދު (މޮސްޓާ) ވިދާޅުވެއްޖެއެވެ.
ޤާސިމަކީ މަޖިލީހުގެ މާމިގިލީ ދާއިރާގެ މެންބަރެވެ.
މޮސްޓާ ކުރެއްވި ޓުވީޓެއްގައި ވިދާޅުވީ ދެން ރައްޔިތުން މަޖިލީހުގެ ރައީސްކަމަށް އެންމެ ރަނގަޅުވާނީ ޤާސިމް ކަމަށެވެ.
ޤާސިމަކީ 18 ވަނަ ރައްޔިތުން މަޖިލީހުގެ ރައީސްކަން ވެސް ކުރެއްވި ބޭފުޅެކެވެ. އަދި ރާއްޖެއަށް ޑިމޮކްރަސީ ގެނައުމުގައި އެންމެ އިސް ރޯލެއް އަދާކުރެއްވި އެއް ބޭފުޅަކީ ޤާސިމްކަމަށް ސިޔާސީ މަސްރަހު ދިރާސާ ކުރައްވާ ބޭފުޅުން ވިދާޅުވެއެވެ.
މޮސްޓާ މިހެން ވިދާޅުވެފައި މިވަނީ ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ އިތުބާރު ނެތްކަމުގެ ވޯޓު ނެގުމުގެ މަސައްކަތް އެމްޑީޕީން ފަށާފައިވަނިކޮށެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.