މަސްވެރިންނަށް ޙައްޤު މިންވަރު ދެނީ ކެމްޕެއިން ތަކުގައި ދައްކައިލާ ބެނާތަކުގައި އެކަނި: ބީކޭއެމްޔޫ
މަސްވެރިންނަށް ޙައްޤު މިންވަރު ދެނީ ހަމައެކަނި ސިޔާސީ ވެރިން ކެމްޕެއިން ތަކުގައި ދައްކައިލާ ބެނާތަކުގައި އެކަނިކަމަށް ބޮޑު ކަންނެލި މަސްވެރިންގެ ޔޫނިއަން (ބީކޭއެމްޔޫ) އިން ބުނެފިއެވެ.
ބީކޭއެމްޔޫއިން މިހެން ބުނީ އެޖެންޑާ 19 ގެ ސޮފުހާއެއްގެ ފޮޓޯ ްހިއްސާކޮށް މިއަދު ކުރި ޓުވީޓެއްގައެވެ. އެ ޔޫނިއަނުން ބުނީ މަސްވެރިންނަށް ޙައްޤު މިންވަރު ދެނީ ހަމައެކަނި ސިޔާސީ ވެރިން ކެމްޕެއިން ތަކުގައި ދައްކައިލާ ބެނާތަކުގައި އެކަނި ކަމަށާއި, ހުރިހާ ސަރުކާރަކުން ވެސް ވަނީ މަސްވެރިންނަށް އިހުމާލުވެފައި ކަމަށެވެ.
މީގެ އިތުރުން ބީކޭއެމްޔޫއިން ވަނީ ބޮޑު ކަންނެލި މަސްވެރިންނަށް ދިމާވެފައިވާ ދަތިތައް ހައްލު ކުރުމަށް ފިޝަރީޒް މިނިސްޓްރީން އެކަށީގެންވާ ވަރަށް މަސައްކަތް ކުރަމުން ނުދާކަމަށް މަސްވެރިން ދެކޭކަން ވެސް ފާހަގަކޮށްފައެވެ.
''މިނިސްޓްރީން މިހާރަށް ވުރެ ބޮޑަށް މި ސިނާއަތަށް އަޅައިލުން މުހިންމު.''
ކަންނެލީގެ އަގު ބޮޑުކުރުމަށް ރާއްޖޭގެ ރަށްތަކާއި ދުރަށް ދުއްވައިގެން ޢާންމުކޮށް މަސްވެރިކަން ކުރެވޭ ސަރަހައްދުތަކެއް ފާހަގަކޮށް ހެދޭ އޯފްޝޯ ފިޝަރީޒް ޕްލެޓްފޯމް ޤާއިމުކުުރުމަކީ މި ސަރުކާރުގެ ވަޢުުދުތަކުގެތެރޭގައި ހިމެނޭ ކަމެކެވެ. މީގެ އިތުރުން ރަށްރަށުގަޔާއި އަމިއްލަ ގޭގޭތެރޭގައި ވެސް ކުދި މަސް ޕްލާންޓް ހަދައި ހިންގޭނެފަދަ ހަމަތައް ތަޢާރަފުކުރުމާއި, ރާއްޖޭގެ ކަނޑުގެ ސަރަހައްދަށް ބޭރުގެ މަސްބޯޓުތައް ވަދެ މަސްވެރިކަން ކުރުމަށް ހުއްދަ ދިނުން ހުއްޓައިލުން ވެސް ހިމެނެއެވެ.
Ads by STO
