މާފަންނު ސަހަރާ ހުސްކުރުމަށް އިސްލާމިކް މިނިސްޓްރީން ހުއްދަދީފި
ޕާކިންގ ޒޯނެއް ތަރައްޤީކުުރުމަށް މާފަންނު ސަހަރާ ހުސްކުރުމަށް އިސްލާމިކް މިނިސްޓްރީން ހުއްދަދީފިއެވެ.
މާފަންނު ސަހަރާގައި ޕާކިންގ ޒޯނެއް ހަދަނ މާދަމާ ފަށާ މިނީ ބަހުގެ ޚިދުމަތާ ގުޅިގެން ބޮޑެތި ބައެއް މަގުތަކުގައި ޕާކު ނުކުރެވޭ ގޮތް ހެދުމުން ވެހިކަލްތައް ޕާކުކުރާނެ އިތުރު އިންތިޒާމެއް ހަމަޖެއްސުމުގެ ގޮތުންނެވެ.
ޕާކިންގ ޒޯނެއް ތަރައްޤީކުުރުމަށް މާފަންނު ސަހަރާ ހުސްކުރުމަށް އިސްލާމިކް މިނިސްޓްރީން މިހާރު ވަނީ މާލޭ ސިޓީ ކައުންސިލަށް ހުއްދަދީފައެވެ.
އެ ހުއްދައިގައި ބުނެފައިވަނީ ސަހަރާ ސާފުކުރަން ކޮންނައިރު ފެންނަ ގަބުރުތަކުގެ މިނިކަށިތައް ވަކިވަކިން ސާފުކޮށް ހުދު ފޮތިން ފަހާފައިވާ އުރައަކަށް އަޅަންޖެހޭނެ ކަމަށެވެ. އަދި ގަބުރު ފެންނަ ސަރަހައްދު ކޮންނަން ބޭނުންކުރާނީ އުދަލި ކަމަށާއި, އެކްސްކަވޭޓަރުފަދަ އާލާތްތައް ބޭނުން ނުކުރެވޭނެކަމަށް ހުއްދައިގައި ވެއެވެ.
