ރައީސް ނަޝީދު އައްޑުއަށް ވަޑައިގަންނަވަނީ

ރައްޔިތުންގެ މަޖިލީހުގެ ރައީސް މުޙައްމަދު ނަޝީދު މިއަދު އައްޑުއަށް ފުރާވަޑައިގަންނަވަން ނިންމަވައިފިއެވެ.

ރައީސް ނަޝީދު ވިދާޅުވީ އައްޑޫގައި މިރޭ ބާއްވާ މޫސުމާގުޅޭ ސެމިނާއެއްގައި ބައިވެރިވަޑައިގަތުމަށް މިއަދު އައްޑުއަށް ވަޑައިގަންނަވާނެ ކަމަށެވެ.

ސެމިނާ ކުރިއަށް ގެންދާނީ މޯލްޑިވްސް ނެޝަނަލް ޔުނިވަސިޓީ (އެމްއެންޔޫ) ގެ އައްޑޫ ސިޓީ ހިތަދޫ ކެމްޕަހުގައެވެ.

ނަޝީދު ބައިވެރިވެވަޑައިގަންނަވާނީ ސަސްޓެއިނެބިލިޓީ ފޯސޭކެން ފިއުޗާސްގެ ނަމުގައި ކުުރިއަށްގެންދާ ސެމިނާގެ ދެވަނަ ސެޝަން ''އަންޑަ ވޯޓާ ޖަސްޓިސް'' ގައެވެ.

ސެޝަން ހުޅުވުމުގެ ގޮތުން ވާހަކަ ދައްކަވާނީ ކޮސްޓަރިކާގެ ކުރީގެ ރައީސް ލައުރެން ޗިންޗިލާއެވެ.