ވޯޓު ލިބޭ މިންވަރަށް ބަލައި ފައިސާ ދޫކުރުމުގެ ހިޔާލަށް ކޮމިޓީން ތާއީދު
އިންތިހާބުގައި ޕާޓީތަކަށް ވޯޓު ލިބޭ މިންވަރަށް ބަލައި ދައުލަތުން ސިޔާސީ ޕާޓީތަކަށް ފައިސާ ދޫކުރުމަށް ހުށަހެޅި ހުށަހެޅުމަށް މިނިވަން މުއައްސަސާތަކުގެ ކޮމެޓީން ތާއީދުކޮށްފިއެވެ.
ސިޔާސީ ޕާޓީތަކަށް މީހުން ވެއްދުމާއި ވަކިކުރުމުގައި
އަމަލުކުރަމުންދާ އުސޫލާ ގުޅިގެން އާންމުންނާއި ސިޔާސީ ޕާޓީތަކުގެ ކަންބޮޑުވުންތަކާ ގުޅޭ މައްސަލަ މަޖިލީހަށް ހުށަހަޅާފައިވަނީ ވެލިދޫ ދާއިރާގެ މެންބަރު މުޙައްމަދު އަބްދުﷲ ޝަފީޤްއެވެ.
އެ މައްސަލައިގައި ބުނެފައިވަނީ ޤާނޫނާއި ޤަވާއިދާ ހިލާފަށް ސިޔާސީ ޕާޓީތަކަށް މީހުން ވެއްދުމާއި ވަކިކުރުމާއި ޕާޓީ ބަދަލުކުރުން ތަކުރާރުކޮށް ހިނގަމުންދާތީ އެކަމުގެ ސަބަބުން ސިޔާސީ ޕާޓީއެއްގެ ދަފްތަރުގައި ޖެހެން ބޭނުންނުވާ ރައްޔިތުންނާއި ސިޔާސީ ޕާޓީތަކަށް ނިސްބަތްވާ ރައްޔިތުންގެ ޝަކުވާތައް އިތުރުވެ، ކަންބޮޑުވުން ފާޅުކުރަމުންދާ ކަމަށެވެ.
މި މައްސަލައާ ގުޅިގެން މިނިވަން މުއައްސަސާގެ ކޮމިޓީން ނެރުނު ރިޕޯޓުގައި ބުނެފައިވަނީ ސައްޙަ ނޫން ފޯމުތައް މެދުވެރިކޮށް ޕާޓީތަކަށް މީހުން ވައްދާ މައިގަނޑު ސަބަބަކީ ދައުލަތުން ޕާޓީތަކަށް ފައިސާ ހަރަދުކުރަމުންދާތީ ކަމަށާއި، ދައުލަތުން ޕާޓީތަކަށް ފައިސާ ހަރަދުކުރުން ހުއްޓުމަކަށް ގެނެސްފިނަމަ އެކަން ހައްލުވެގެންދާނެ ކަމަށް އިލެކްޝަންސް ކޮމިޝަނުން ޤަބޫލުކުރެވޭ ކަމަށެވެ.
އަދި ދަޢުލަތުން ޕާޓީތަކަށް ފަސް ލަދުކުރަން ކޮންމެހެން ޖެހޭގޮތަށް ސިޔާސަތު ކަނޑައަޅާ ސިޔާސީ ޕާޓީއަށް
ރަޖިސްޓްރީވުމާއި ޕާޓީން ވަކިވުމަށް މިހާރު ކުރިމަދުވަމުންދާ ހުރަސްތައް ޙައްލުކުރުމަށް އެ ކޮމިޝަނަށް ފެންނަ އެންމެ
ރަނގަޅު އެއް ޙައްލަކީ، އިންތިހާބުގައި ވޯޓު ލިބޭ އަދަދަށް ބަލައި ޕާޓީއަށް ފައިސާ ދޫކުރުމުގެ އުސޫލު ހަމަޖެއްސުން ކަމަށް އެ ކޮމިޝަނުން ފާހަގަކޮށްފައިވެއެވެ.
ވޯޓް ގައިވެސް ސޭލް ގޮޅީގައި ވެސް ސޭލް ގޮޑީގައިވެސް ސޭލް !