ފ އަތޮޅު ވިއްކާލުމާ ދެކޮޅަށް ނިކުތީ ވެސް ރާއްޖެއިން ބައެއް ގެއްލޭން ބޭނުން ނުވާތީ: އީވާ
ކުރީގެ ރައީސް އަބްދުﷲ ޔާމީންގެ ވެރިކަމުގައި، ފ އަތޮޅު ތަރައްޤީ ކުރަން ސައުދީގެ ޝާހީ އާއިލާއަށް ދޭން ނިންމި ނިންމުމާ ދެކޮޅަށް އޭރު އެމްޑީޕީން ތެދުވީ، އެކަން ކުރީ ވަކި މީހެއް ކަމުގައި ވީމާ ނޫން ކަމަށާއި އެކަން ކުރީ ރާއްޖެއިން ބައެއް ދޫކޮށްލަން އެއްވެސް އިރެއްގައި ތާއީދު ނެތުމުން ކަމަށް ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު އީވާ އަބްދުﷲ ވިދާޅުވެއްޖެއެވެ.
އީވާ މިހެން ވިދާޅުވީ، ޗާގޯސް މައްސަލައިގައި ރާއްޖޭގެ ސްޓޭންޑް ބަދަލުނުކުރުމަށް ގޮވާލާ ރައްޔިތުންގެ މަޖިލީހަށް މިއަދު ހުށަހެޅި ކުއްލި މައްސަލައިގައި ދެއްކެވި ވާހަކަފުޅުގައެވެ.
އީވާގެ ވާހަކަފުޅުގައި ވިދާޅުވީ، ދިވެހި ސަރުކާރުން ނިންމާފައިވާ ނިންމުމަކީ ރާއްޖޭގެ ފަސްގަނޑުން ނުވަތަ ލޮނުގަނޑުން ވިޔަސް ރާއްޖެއިން ބައެއް ގެއްލޭވަރުގެ ނިންމުމެއް ކަމަށެވެ. އަދި މިކަން ކުރުމުގައި މަޖިލީހުގެ ބަހެއް ނުހޯދުމަކީ "ނުތާހިރު" ކަމެއް ކަމަށް ވިދާޅުވިއެވެ.
އީވާ އިތުރަށް ވިދާޅުވީ، ހާރިޖީ ސިޔާސަތަކީ ރައީސުލްޖުމްހޫރިއްޔާ ބޭނުންވާ ގޮތަކަށް ތަންފީޒުކުރަން އޮތް އިހުތިޔާރެއްގެ ގޮތުގައި އޮތް ނަމަވެސް ރާއްޖޭގެ ސަރަހައްދުން ބައެއް ކޮންމެވެސް ދުވަހަކުން ގެއްލިދާނެ ފަދަ ނިންމުމެއްގައި ގޮތެއް ނިންމަންޖެހޭނީ ރައްޔިތުންގެ މަޖިލީހާ މަޝްވަރާކުރުމަށްފަހު ކަމަށެވެ. އަދި ރާއްޖެއިން މިފަދަ ނިންމުމެއް ނިންމި ސަބަބު އޮޅުން ފިލުވަން ޖެހޭ ކަމަށް ވިދާޅުވިއެވެ
މިކަހަލަ ވޯޓެއް ކޮސޯވޯ މައްސަލާގަވެސް ދީގެން ބަޔަކު މީހުންވަނީ ފައިސާގަޑެއް ނަގާފައި ދިރުވާލާފައި، މިފަހަރުވެސް މިއުޅެނީ ފައިސާގަޑެއް ދިރުވާލަން ، ބައިއެޅުން ގިނަނުވެގެން މަޖިލިސް ފުލޯގައިވެސް އެވާހަކަ ދައްކަންފެށީ ! މުޅިންވެސް އެމްޑީޕީ ވެރިކަމުގައި ހިގާ އަޑިނޭގޭ މޭޒު ދަށުން ހިގާ ޑީލް !
ފޯޅަވަހި ރާއްޖޭގެ ބައެއްކަމުގައި ބެލެވޭ ސަބަބު ތަށް :
1 – ފުރަތަމަ ސަބަބަކީ : ރާއްޖޭގެ އެހެން އަތޮޅުތައް ފަދައިން ފޯޅަވަހި ހިމެނޭ އަތޮޅު އުފެދިފައިވަނީ އެއް ޝެލްފެއްގެ މަތީ ގައި ކަމަށް ވުމާއި
2 – ދެވަނަ ސަބަބކީ : ފޯޅަވަހީ އުފެދިފައިވާ ކޮންޓިނެންޓަލް ޝެލްފް މޮރިޝަޝް އާއި ގުޅުމެއް ނެތުމާއި
3 – މޮރިޝަޝް އަކީ އެފްރިކާގެ ގޮނޑު ދޮށުގައި އުފެދިފައިވާ ޤައުމަކަށް ވެފައި މޮރިޝަޝް އާއި ފޯޅަވައްސާއި ދެމެދު 2158 ކިލޯ މީޓަރު ގެ ދުރުމިން ( 1165 ނޯޓިކަލް މޭލު ) ހުރުމާއި
4 – ފޯޅަވައްސާއި ރާއްޖެއާއި ދެމެދުގެ ދުރުމިނަކީ 748 ކިލޯ މީޓަރ ( 403 ނޯޓިކަލް މޭލު ) ކަމަށްވުމާއި
5 – ފޯޅަވައްސާއި މޮރިޝަޝް އާއި ދެމެދު ތަބީޢީގޮތުން އެއްވެސް ގުޅުމެއް ނެތުމާއި
6 – ތަބީޢީ ގޮތުން ފޯޅަވަހި ދިވެހި ރާއްޖެއާއި ގުޅި ލާމެހިފައި އޮތުމާއި އަދިވެސް ކިތައްމެ ސަބަބެއް އެބަހުރި .