ބަޖެޓް 2023: އެންމެ ބޮޑު އަމާޒަކީ ހައްލުނުވެ ހުރި އަސާސީ މައްސަލަތައް ހައްލު ކުރުން
އަންނަ އަހަރަށް ހުށަހެޅި ބަޖެޓުގެ އެންމެ ބޮޑު އަމާޒަކީ ހައްލުނުވެ ހުރި އަސާސީ މައްސަލަތައް ހައްލު ކުރުން ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.
ބަޖެޓު ހުށަހަޅުއްވަމުން މިނިސްޓަރު ދެއްކެވި ވާހަކަފުޅުގައި ވިދާޅުވީ 2023އާ ހަމަޔަށް މި ދަނީ ރާއްޖޭގެ އިޤްތިސާދަށް ދިމާވި ބޮޑެތި ގޮންޖެހުންތައް ގިރާކުރަމުން ކަމަށެވެ. އަދި ރައްޔިތުންނަށް ފާގަތި ދިރިއުޅުމެއް ހޯދައިދިނުމުގެ މަސައްކަތް ކުރަމުންދާ ކަމަށް އަމީރު ވިދާޅުވިއެވެ.
އަމީރު ވިދާޅުވީ އަންނަ އަހަރު އަސާސީ ހިދުމަތްތައް ފޯރިކޮށްދޭނެ ކަމަށާއި ރާއްޖޭގެ ރާއްޖޭގެ އިގްތިސާދަށް ދިމާވި ބޮޑެތި މައްސަލަތައް ހައްލުކުރުމުގެ މަސައްކަތް މިހާރުވެސް ކުރަމުންދާ ކަމަށާއި ރައްޔިތުންނަށް ރައީސް ޞާލިޙް ވެފައިވާ ވަޢުދުތައް ފުއްދުމަކީ އެއް އަމާޒު ކަމަށެވެ.
“2023ވަނަ އަހަރުގެ ބަޖެޓުގެ އެންމެ ބޮޑު އަމާޒަކީ ޒަމާނުއްސުރެ ހައްލުނުވެ ހުރި އަސާސީ އެތަަައް މައްސަލައެއް ހައްލުކުރުމުނަށް މަގުފަހިކުރުން. ރައްޔިތުންނަށް ބޭނުންވާ ޚިދުމަތްތަކުގެ ފެންވަރު ރަނގަޅު ކުރުން” އަމީރު ވިދާޅުވިއެވެ.
އަމީރު ވިދާޅުވީ އަންނަ އަހަރު ރާއްޖޭގެ އިގްތިސާދު ކޮވިޑް-19ގެ ކުރީގެ އިގްތިސާދު ހުރި މިންވަރަށްވުރެ ކުރިއަރައިދާނެ ކަމަށެވެ. އަދި މިކަމަކީ ސަރުކާރުން ކޮވިޑް-19އާއެކު އެޅި ފިޔަވަޅުތަކުގެ ހެޔޮ ނަތީޖާ ކަމަށް އަމީރު ވިދާޅުވިއެވެ.
Ads by STO
