އެޗްޑީސީއާ އެމްއައިޓީ ގުޅިގެން ޚާއްސަ އެހީއަށް ބޭނުންވާ މީހުންނަށް ޕްރޮގްރާމުތަކެއް ހިންގަނީ

ޚާއްސަ އެހީއަށް ބޭނުންވާ މީހުންގެ ހުނަރު ތަރައްޤީކުރުމުގެ ޕްރޮގްރާމުތަކެއް ހިންގަން އެޗްޑީސީއާ އެމްއައިޓީއާ ދެމެދު އެއްބަސްވުމެއްގައި ސޮއިކުރައްވައިފިއެވެ.

Ads by MWSC

އެޗްޑީސީގެ ފަރާތުން މި އެއްބަސްވުމުގައި ސޮއި ކުރެއްވީ އެ ކޯޕަރޭޝަނުގެ މެނޭޖިން ޑިރެކްޓަރު އަޙްމަދު ޢާޠިފެވެ. އެމްއައިޓީގެ ފަރާތުން ސޮއި ކުރައްވާފައިވަނީ އެ އިންސްޓިޓިއުޓުގެ ޑިރެކްޓަރ އޮފް ޕްރޮގްރާމްސް އާދަމް ޙަލީމެވެ.

އެޗްޑީސީން ހާމަކުރެއްވި ގޮތުގައި މިފަދަ ޕްރޮގްރާމްތަކެއް ހިންގެވުމަށް، އެ ކޯޕަރޭޝަނުން އިސްނެންގެވީ، ޚާއްސަ އެހީއަށް ބޭނުންވާ މީހުން ބާރުވެރި ކުރުވައި މަސައްކަތުގެ މާހައުލަށް އަހުލުވެރި ބައެއްގެ ގޮތުގައި ބިނާކުރުމަށެވެ.

އެޗްޑީސީން ވިދާޅުވީ، މިއީ ޚާއްސަ އެހީއަށް ބޭނުންވާ މީހުންނާއެކު ބޭއްވި ބައްދަލުވުންތަކުގައި އެ ފަރާތްތަކުން ހުށަހެޅި ކަމެއް ކަމަށެވެ.