އައްޑޫ ސިޓީ ކައުންސިލްގެ ޕީޕީއެމް މެމްބަރަކު އެމްޑީޕީއަށް

އިދިކޮޅޫ ޕީޕީއެމްއަށް ނިސްބަތްވާ އައްޑޫ ސިޓީގެ ފޭދޫ ކައުންސިލަރ މުހައްމަދު ފައިސަލް އެމްޑީޕީއަށް ސޮއިކޮށްފިއެެވެ.

ފައިސަލް އެމްޑީޕީ އަށް ސޮއިކުރެއްވީ ރައީސް އިބްރާހިމް މުހައްމަދު ސޯލިހާއި އެމްޑީޕީގެ ޗެއާޕާސަން ފައްޔާޒް އިސްމާއިލާ އެކު މިއަދު މުލިއާ ގޭގައި ބޭއްވި ކުޑަ ހަފްލާއެއްގައެވެ.

އައްޑޫ ސިޓީގެ ކައުންސިލްގައި ތިބެނީ ޖުމްލަ 13 މެމްބަރުންނެވެ. އޭގެ ތެރޭގައި ހިމެނެނީ އިދިކޮޅު ޕީޕީއެމްގެ 3 މެމްބަރުންނާއި އެމްޑީޕީގެ 6 މެމްބަރުންނާއި މިނިވަން މެމްބަރުންނެވެ.

ފައިސަލް އެމްޑީޕީ އަށް މިއަދު ސޮއި ކުރެއްވުމާ އެކު، އެމްޑީޕީގެ މެމްބަރުންގެ އަދަދު އިތުރުވެ، އެ ކައުންސިލްގެ އަޣުލަބިއްޔަތު އެމްޑީޕީ އަށް ވަނީ ލިބިފައެވެ.