Tuesday, 17 November 2026
Advertisement
Allied Insurance (leaderboard)
ސިޔާސީ

ޗައިނާގެ ރައީސް ވިދާޅުވަނީ ރާއްޖެއިން ވެހޭ ވާރޭ ތިއްކެއްވެސް ބޭނުންފުޅުނުވާ ކަމަށް: ސަޢީދު

ޗައިނާގެ ރައީސް ވިދާޅުވަނީ ރާއްޖެއިން ވެހޭ ވާރޭ ތިއްކެއްވެސް ބޭނުންފުޅުނުވާ ކަމަށް: ސަޢީދު
ދިވެހިރާއްޖޭގެ ބިމުން، ރައީސް ޔާމީން ވެލި ފުކެއްހައި މިންވަރުވެސް ވިއްކައިލެއްވިތޯ، ޕީއެންސީގެ ނައިބު ރައީސް، އަދި ކުރީގެ އިކޮނޮމިކް މިނިސްޓަރު މުޙައްމަދު ސަޢީދު ސުވާލު ކުރައްވައިފިއެވެ. ޕްރޮގްރެސިވް ކޮންގްރެސް ކޯލިޝަނުން މިއަދު ފެށި "ހޯޕް ކޮންފަރެންސް"ގައި، ރައީސް ޔާމީންގެ ވެރިކަމުގައި ކުރައްވައިފައިވާ އިޤްތިސާދީ މަސައްކަތްތަކާއި، އެ މަނިކުފާނުގެ އިޤްތިސާދީ ތަސައްވުރާ ގުޅޭގޮތުން ވާހަކަ ދައްކަވަމުން ސަޢީދު ވަނީ، އޭރު ޗައިނާއާ ރާއްޖެއާ ދެމެދު އޮތް ގުޅުމާމެދުގައި ދިވެހި ރައްޔިތުންގެ ހިތްތަކުގައި ނުތަނަވަސްކަން އުފެއްދުމަށް އިދިކޮޅުގައި ތިބި ފަރާތްތަކުން މަސައްކަތް ކުރަމުން ދިޔަ ކަމަށެވެ. އަދި ޗައިނާއަށް ރާއްޖޭގެ 16 ރަށެއް ވިއްކައިލައިފައިވާ ކަަމަށް ތުހުމަތު ކުރިކަންވެސް ސަޢީދު ފާހަގަކުރެއްވިއެވެ. [caption id="attachment_175554" align="alignnone" width="1280"] އިދިކޮޅު ފަރާތްތަކުން މިރޭ ބޭއްވި ހޯޕް ކޮންފަރެންސްގެ ތެރެއިން-- ފޮޓޯ/ ދެން[/caption]
"އަޅުގަނޑުވެސް އިނިން، މުންދުވެސް އިންނާނެ، (ޗައިނާގެ ރައީސް) ޝީ ޖިންޕިންއާ ރައީސް ޔާމީން ކުރިއަށް ގެންދެވި ނެގޯޝިއޭޝަންގައި، ދުނިޔޭގެ އެއްވެސް ޤައުމަކަށް ކޮމްޕްރޮމައިޒް ނުކުރަައްވާނެ، ވެހޭ ވާރޭގެ އެތެރޭގެ އިންނަ ޒައްރެއްގެ މިންވަރުވެސް ދިވެހިރާއްޖެއަށް ބޭނުންނެތޭ، ޗައިނާގެ ރައީސް ބުނި."
އައިހެވަން މަޝްރޫއު ފަދަ ބޮޑެތި ޕްރޮޖެކްޓްތައް ކުރިއަށް ގެންދެވުނު ނަމަ ރާއްޖެއަކީ ދެކުނު އޭޝިއާގެ ޤައުމުތަކުގެ ތެރެއިން ވަރުގަދަ އިޤްތިޞާދެއް އޮތް ޤައުމަކަށް ވެގެން ދިޔައީސް ކަމަށް ސަޢީދު ވިދާޅުވިއެވެ. ރައީސް ޔާމީން ގެންނަވަން މަސައްކަތް ކުރެއްވި ތަރައްޤީ ހާސިލު ކުރަން 10 ވަރަކަށް އަހަރު ބޭނުންވާ ކަަމަށްވެސް އޭނާ ވަނީ ވިދާޅުވެފައެވެ. މި ސަރުކާރުން ދަރަނި ނަގައިގެން ކުރާ ކަންކަމަށް ފާޑުވިދާޅުވަމުން ސަޢީދު ވަނީ، ރައީސް ޔާމީންގެ ވެރިކަމުގައި ދަރަނި ނެންގެވީ ކޮޅަށް ނާރާ ތަނބެއް ޖަހައި، އިންތިޚާބު ކައިރިވުމުން ފައިސާ ބަހަން ނޫން ކަމަށެވެ.  

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.