Saturday, 21 November 2026
Advertisement
STO — McCoy (leaderboard)
ސިޔާސީ

އިންތިޚާބު ކައިިރިވުމުން، ރައީސް ޔާމީން ނޫން ނަންފުޅެއް ޕީޕީއެމްގެ ވިސްނުމަށް އަންނާނެ: މަވޯޓާ

އިންތިޚާބު ކައިިރިވުމުން، ރައީސް ޔާމީން ނޫން ނަންފުޅެއް ޕީޕީއެމްގެ ވިސްނުމަށް އަންނާނެ: މަވޯޓާ
މި އަހަރުގެ ރިޔާސީ އިންތިޚާބުގެ ކުރިން، އިދިކޮޅު ލީޑަރު، ރައީސް ޔާމީން ނޫން ނަންފުޅެއް، ޕީޕީއެމްގެ ވިސްނުމަށް އަންނަން ޖެހޭ ކަމަށާއި، ރިޔާސީ އިންތިޚާބު ކައިރިވުމުން، އެކަން އެެހެން ވާނެ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު( މަވޯޓާ) ވިދާޅުވެއްޖެއެެވެ. މަވޯޓާ މިހެން ވިދާޅުވެފައިވަނީ ކުރެއްވި ޓްވީޓެއްގައެވެ. ޕީޕީއެމްގެ ރިޔާސީ ޓިކެޓު އަރުވައިފައިވަނިކޮށް، ރައީސް ޔާމީން ވަނީ 11 އަހަރަށް ޖަލަށް ލުމަށް ޙުކުމް ކޮށްފައެވެ. މި ޙުކުމް އިއްވީ މިދިޔަ ޑިސެމްބަރުމަހުގެ 25 ވަނަ ދުވަހުއެވެ. މަވޯޓާ ކުރެއްވި ޓްވީޓެއްގައި ވިދާޅުވީ އިންތިހާބަށް ނަން ހުށަހަޅާ ހިސާބަށް ދިއުމުން ޔާމީން ނޫން މީހެއްގެ ވިސްނުން ޕީޕީއެމަށް އަންނާނެ ކަމަށެވެ.
"އަންނަން ވެސް ޖެހޭނެ. އެއީ އެއްވެސް މައްސަލައެއް ވެސް ނޫން. ކޮންކްރީޓް މެޝިނަށް ވޯޓްލަމުން ދިޔަ ދުވަސްވަރު އެމްޑީޕީން ވެސް އަޑުހަރުކޮށް އެހެން ކީތާ. ރައީސް ޔާމީން އިންތިޚާބުގެ ކުރިން ސަލާމަތްވެދާނެ ކަމަށް ނުފެނޭ."
https://twitter.com/AdduShareef/status/1621436254515757056?ref_src=twsrc%5Etfw%7Ctwcamp%5Etweetembed%7Ctwterm%5E1621436254515757056%7Ctwgr%5E845f02152aa3baffa86e957ec90f6944831f95ed%7Ctwcon%5Es1_&ref_url=https%3A%2F%2Fwww.addulive.com%2F294409 މި އަހަރުގެ ރިޔާސީ އިންތިހާބު ބާއްވަން ހަމަޖެހިފައި އޮތީ ސެޕްޓެމްބަރު 9 ގައެވެ. ރިޔާސީ އިންތިޚާބުގެ ކުރިން، ރައީސް ޔާމީން މިނިވަން ކުރުމަށް އިދިކޮޅު ފަރާތްތަކުން އަންނަނީ މަސައްކަތް ކުރަމުންނެވެ. އެ މަނިކުފާނަށް އިއްވި ޙުކުމް ވަރަށް އަވަހަށް ހައި ކޯޓުގައި އިސްތިއުނާފު ކުރުމަށް ވަނީ ހަމަޖެހިފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.