ޕަބްލިކް ހެލްތުގެ ހިދުމަތް ދަށް ގައުމުތަކަށް އެހީވުމަށް ޗައިނާއިން 20 މިލިއަން ޑޮލަރު ހަދިޔާ ކޮށްފި
ކޮރޯނާ ވައިރަސް ފެތުރިފައިވާ ގައުމުތަކުގެ ތެރެއިން ޕަބްލިކް ހެލްތުގެ ހިދުމަތް ދަށް ގައުމުތަކަށް އެހީވުމަށް ޗައިނާއިން ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އަށް 20 މިލިއަން ޑޮލަރު ހަދިޔާ ކޮށްފިއެވެ.
ޑަބްލިއުއެޗްއޯގެ ވެރިޔާ ޑރ.ޓެޑްރޯސް ގެބްރޭސަސްގެ އިރުޝާދުގެ ދަށުން ކޮރޯނާ ވައިރަހާ ދެކޮޅަށް ވަނީ ގިނަ ފަޔަވަޅުތަކެއް އަލާފައެވެ.
ޗައިނާގެ ނޫހެއް ކަމަށްވާ ޝިންހުއާ އިން ރިޕޯޓުކޮށްފައިވާ ގޮތުގައި އެ ގައުމުން ޑަބްލިއުއެޗްއޯ އަށް އެހީދޭން ނިންމީ އެ ޖަމިއްޔާއިން ކުރަމުން ގެންދާ މަސައްކަތް އިތުރު ވަރުގަދަކޮށް، ކުދި އަދި މެދު ފަންތީގެ ގައުމުތަކުގައި ހުންނަ ދަށް ޕަބްލިކް ހެލްތު ސިސްޓަމްތައް ވައިރަހާ ދެކޮޅަށް ވަރުގަދަ ކުރުމަށް އެހީވެދިނުމަށް ކަމަށެވެ.
ޗައިނާ އިން ބުނީ އެހެން ގައުމުތަކާއި އެކު މަސައްކަތްކޮށް ރީޖަނަލް އަދި ގައިނަލްއަގްވާމީ ޕަބްލިކް ހެލްތު ސެކިއުރިޓީ ވަރުގަދަ ކުރުމަށް ވެވެން އޮތް އެހީއެއް ވާނެ ކަމަށެވެ.
