މިއީ ވަގުތީ ލިސްޓް، މައްސަލަ އުޅޭނެ: އަކްރަމް
ވަގުތީ ލިސްޓުގައި މައްސަލަ އުޅޭނެ ކަމަށާއި އެކަންކަން ދާއިމީ ލިސްޓުގައި އިސްލާހު ވާނެ ކަމުގެ ޔަޤީންކަން ގެދޮރުވެރިޔާ ކޮމެޓީގެ ޗެއާ އަދި ހައުސިން މިނިސްޓަރީގެ ސްޓޭޓް މިނިސްޓަރު، އަކްރަމް ކަމާލުއްދީން ދެއްވައިފިއެވެ.
ގޯތި ލިބުން މީހުންގެ ލިސްޓުގައި ބިދޭސީންގެ ނަން އޮތުމުން ސަރުކާރަށް އަމާޒުވެފައިވާ ފާޑުކިޔުން ތަކާއި ގުޅިގެން ބައެއް މީޑިއާތަކާއި ވާހަކަ ދައްކަވަމުން، ޕްލޭނިން މިނިސްޓްރީގެ ސްޓޭޓް މިނިސްޓަރު އަދި އެ ލިސްޓު އެކުލަވާލި ކޮމިޓީގައި ވެސް އިސްކޮށް އުޅުއްވި އަކްރަމް ކަމާލުއްދީން ވިދާޅުވީ މިހާރު ނެރެފައިވަނީ ވަގުތީ ލިސްޓެއްކަން ފާހަގަކުރައްވައި އަސްލަމް ވިދާޅުވީ މި ލިސްޓުގެ ބޭނުމަކީ ވެސް ޝަކުވާ ހުށަހެޅުން ކަމަށާއި ދާއިމީ ލިސްޓް އަންނައިރު އެ ކަންކަން އިސްލާހު ވާނެ ކަމަށެވެ.
އަކްރަމް ވިދާޅުވީ ޝަކުވާއަށް ހުޅުވާލުމަށްފަހު އެހެން ހުންނަ ކަންކަން ދެނެގަނެ، އިސްލާހު ކުރައްވާނެކަމަށެވެ. މިގޮތުން ދެމަފިރިންނަށް ވެސް ގޯތި ދެވިފައި ހުރެދާނެ ކަމަށާއި އެކަންކަން ދާއިމީ ލިސްޓުގައި އިސްލާހު ވާނެކަމަށް އަކްރަމް ފާހަގަކުރެއްވިއެވެ.
މާލެ ސަރަހައްދުން ގޯތި ދޫކުރުމަށް މިދިޔަ އަހަރު ސަރުކާރުން ހުޅުވާލިއިރު، ގޯއްޗަށް އެދި ހުށަހަޅާ މީހުންނަކީ މާލެ މީހުންކަން ކަށަވަރު ކުރުމުގައި ބަލާނީ އެއްވެސް އިރެއްގައި މާލެ ފިޔަވައި އެހެން ރަށެއްގެ ރަށްވެހިކަން ނެތް އަދި އަބަދުވެސް މާލޭގެ ރަށްވެހިކަން އޮތް ފަރާތްތަކަށް ކަމަށް އޭރު ކުރި އިއުލާނުގައި ބުނެފައިވެއެވެ.
އެ ލިސްޓަށް ޝަކުވާ ހުށަހެޅުމުގެ ފުރުސަތު އަންނަ ޖުލައި މަހުގެ 15 ވަނަ ދުވަހާ ހަމައަށް ވަނީ ހުޅުވައިލައިފައެވެ. ދާއިމީ ލިސްޓު އިއުލާނު ކުރާނީ އެ ޝަކުވާތައް ބެލުމަށްފަހުއެވެ.
ތިގޯތިތައްވަނީި ހިތުހުރިގޮތަކައްް ބަހާލާފަަ އަދިި ގިބައަދަދަކައްް ރިޝްވަތުފައިސާއައްވެސްް ގޯތިި ދީފައިި ވާކަމައްބަލަންޖެހޭޭ މިގައުމުގެރައްޔިތުންް ނިކުމެެ މިވެރިކަމުންްބަދަލުކުރުމައްކުރާާ މަސައްކަތްް އަވަސްކުރަންޖެހޭ
ކަލޭނަގާ އަތުކޮޅަށް ހުރާލަން ޖެހޭވަރުގެ ބޮޑެތި މައްސަލަ .