ޤާސިމްގެ ވެރިކަމެއްގައި ކުޅިވަރުގެ ހުނަރުވެރިން އުފެއްދުން އައު ހަރުފަތަކަށް ދިއުމުގެ ފުރުޞަތު ތަނަވަސްވާނެ: އަލީ ވަހީދު

ޤާސިމްގެ ވެރިކަމެއްގައި ކުޅިވަރުގެ ހުނަރުވެރިކަން އައު ހަރުފަތަކަށް ދިއުމުގެ ފުރުޞަތު ތަނަވަސްވާނެކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމްގެ އިންތިހާބީ އެޖެންޓް ކުރީގެ ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
އަލީ ވަހީދު މިހެން ވިދާޅުވީ ކުރިއަށް އޮތް ރިޔާސީ އިންތިޚާބުގެ ކެމްޕޭނަށް ރަށްރަށަށް ކުރައްވާ ދަތުރުފުޅުތަކުގެ ތެރެއިން އދ. މަހިބަދޫއަށް ވަޑައިގެން ބޭއްވި ބައްދަލުވުމެއްގައި ވާހަކަފުޅު ދައްކަވަމުންނެވެ.
އެގޮތުން، ޢަލީ ވަހީދު ވަނީ މަހިބަދޫއިން އުފެއްދި ޤައުމީޓީމު ތަމްޞީލުކުރި ފުޓްބޯޅަ ކުޅުންތެރިންނަށް ތައުރީފްކުރައްވާ އެކުޅުންތެރިން ގައުމަށް ހޯދާދީފައިވާ ކާމިޔާބީތަކުގެ ހަނދާން އައު ކުރައްވާފައެވެ. އެބޭފުޅާ ވިދާއަޅުވީ ޒުވާނުންނާއި ކުޅިވަރަށް އެންމެ ފުރިހަމަ މެނިފެސްޓޯއެއް ގެނެސްދީފައިވަނީ ޤާސިމް ކަމަށާއި މަހިބަދޫފަދަ ކުޅިވަރުގެ ހުނަރުވެރިން އުފައްދާ މަރުކަޒަކުން ޤާސިމްގެ ވެރިކަމެއްގައި އައު ހަރުފަތްތަކަށް ދިއުމުގެ ފުރުޞަތު ތަނަވަސްވާނެ ކަމަށެވެ.
މަހިބަދޫއަކީ މަސްވެރި ރަށަކަށްވުމާއެކު ޤާސިމްގެ ވެރިކަމެއްގައި ހުރި ފުރުޞަތުތަކާއި ބެހޭ ގޮތުން އަލީ ވަހީދު ވަނީ މަހިބަދޫގެ ރައްޔިތުންނަށް މައުލޫމާތު ދެއްވާފައެވެ. ރާއްޖެއަކީ ކަނޑުގެ ސަރަހައްދު ބޮޑު ގައުމަކަށްވުމާއެކު ކަނޑުރޯދިން ނަފާ ހޯދުމަށް ފުރުޞަތު ޤާސިމްގެ ވެރިކަމެއްގައި އިތުރު ވަސީލަތްތަކާއެކު ފުރިހަމަކޮށްދެއްވާނެ ކަމަށާއި ރައީސް ޞާލިޙު ނޫންގޮތެއް ހޯދާއިރު ދެވަނަ ރައީސް ޞާލިހެއް ގެނެވިދާނެ ކަމަށް ރައްޔިތުން ސަމާލުވަންޖެހޭ ކަމަށެވެ.
އަދި ޕީޕޢެމްގެ އެންމެ ގިނަ މެމްބަރުން ލޯބިވާ ރައީސް ޔާމީން އޮންނެވީ ޖަލުގައި ކަމަށާއި އެމަނިކުފާނު މިނިވަންކުރުމަށް ގިނަ ބޭފުޅުން މަސައްކަތް ކުރަވަމުންދަނިކޮށް ޕީޕީއެމްގެ ތެރެއިން ޑިމޮކްރެޓިކް ޕްރޮސެސްއެއްނެތި ޕީޕިއެމް ބޭނުންވާ ކެންޑިޑޭޓަކުނެރުމުގެ ފުރުޞަތު ނުލިބި އެހެން ޕާޓީއަކަށް ޓިކެޓް ލިބި ތާއީދު ކުރަންޖެހުނު ގޮތާއިމެދު ވިސްނަންޖެހޭ ކަމަށްވެސް އަލީ ވަހީދު ވިދާޅުވިއެވެ.
"ޕީޕީއެމްގެ ލީޑަރުތޯ ނުކުމެ ހުންނެވީ. ނޫން އިނގޭތޯ. ޕީޕީއެމްގެ މެންބަރުންނަށް ގާސިމް ގޯހެއްނުވާނެ" އަލީ ވަހީދު ވިދާޅުވިއެވެ.
މީގެ އިތުރުން، ވެރިކަމެއް ގެނެސްދިނުމުން ޤާސިމް ބޭކާރުވެ ވަނީ ސޭޓަށް ކަމަށާއި ދެވަނަ ބުރަކަށްދާންޖެހުމުން އެއީ ގައުމީ ބަތަލުކަމަށާއި، އެއީ ބޮޑު ތަކުރުފާނު ކަމަށާއި، ކުނޫޒާއި މާފަންނުވިލާ ކައިރިން ސިޔާސީ ލީޑަރުން ފިލާނުދާކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.