Tuesday, 17 November 2026
Advertisement
MWSC — SmartMeter (leaderboard)
ސަރުކާރު

ކޮންމެ މަސް ދޯންޏެއްގައި ޑައިވިން ސެޓްފިކެޓް އޮންނަ މީހަކު ހުރުން ލާޒިމްކުރާ ސިޔާސަތެއް އެކުލަވާލަނީ

ކޮންމެ މަސް ދޯންޏެއްގައި ޑައިވިން ސެޓްފިކެޓް އޮންނަ މީހަކު ހުރުން ލާޒިމްކުރާ ސިޔާސަތެއް އެކުލަވާލަނީ

މަސްވެރިން އެން ހޯދަން ފީނާއިރު ދިމާވާ ނުރައްކާތެރި ހާދިސާތައް ކުޑަ ކުރުމަށް ޓަކައި ކޮންމެ މަސް ދޯންޏެއްގައި ރެސްކިއު ޑައިވިން ސެޓްފިކެޓް އޮންނަ މީހަކު ހުރުން ލާޒިމްކުރާ ސިޔާސަތެއް ކަނޑައެޅުމުގެ ވިސްނުންފުޅެއް ރައީސް ޑރ. މުހައްމަދު މުޢިއްޒު ގެންގުޅުއްވާ ކަމަށް ފިޝަރީޒް މިނިސްޓަރު އަހްމަދު ޝިޔާމް ވިދާޅުވެއްޖެއެވެ.

ޝިޔާމް މިހެން ވިދާޅުވީ މިހާރު ދަރުބާރުގޭގައި ކުރިއަށްދާ މަސްވެރިންގެ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުންނެވެ.

ޝިޔާމް ވިދާޅުވީ، ޑައިވިން ފުޅި އަޅައިގެން އެން ހޯދުން އާންމުވެފައި ވާއިރު ޑީކޮމްޕްރެޝަން ޑައިވް ކުރެވިގެން ހާދިސާތައް ހިނގުން މިހާރު އިތުރު ވެފައިވާ ކަމަށާއި މިކަމުގެ ސަބަބަކީ ހޭލުންތެރިކަން ކުޑަވުން ކަމަށެވެ.

Advertisement
Ooredoo — Square (box)

އެގޮތުން މިފަދަ ހާދިސާތަކުން ލިބޭ ގެއްލުން ކުޑަ ކުރެއްވުމަށް ރާއްޖޭގެ މަސްވެރި ކޮންމެ ދޯންޏެއްގައި މަދުވެގެން ރެސްކިއު ޑައިވިން ސެޓްފިކެޓް އޮތް އެއް ފަޅުވެރިއަކު ހުރުން ލާޒިމްކުރާ ސިޔާސަތެއް އެކުލަވާލުމަކީ ރައީސް މުޢިއްޒުގެ ވަރަށް ބޮޑު ވިސްނުންފުޅެއް ކަމަށް ޝިޔާމް ވަނީ ވިދާޅުވެފައެވެ.

ރެސްކިއު ޑައިވަރެއް ކޮންމެ ދޯންޏެއްގައި ބެހެއްޓިއްޖެނަމަ މިފަދަ ހާދިސާތައް ދިމާވާ އެމެޖެންސީ ހާލަތްތަކުގައި އެކަމަށް އެޓެންޑް ކުރެވޭނެ ކަމަށްވެސް ޝިޔާމް ވަނީ ފާހަގަކުރައްވާފައެވެ.

ޝިޔާމް ވިދާޅުވީ ރެސްކިއު ޑައިވިން ސެޓްފިކެޓާ ހަމައަށް ދެވޭނީ އޯޕެން ވޯޓާ، އެޑްވާންސްޑް، އަދި މެޑިކް ޑައިވިންފަދަ އެހެނިހެން ގިނަ ސެޓްފިކެޓްތަކަށް ފަހު ކަމަށެވެ.

ހަމަ އެހެންމެ ރެސްކިއު ޑައިވަރަކީ އޮކްސިޖަން އެޑްމިނިސްޓާ ކުރަން އެނގޭނެ ސެޓްފިކެޓް އޮތް ޑައިވަރަކަށް ވާނެ ކަަމަށްވެސް ޝިޔާމް ވަނީ ވިދާޅުވެފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.