މީޑިއާ ވިލެޖެއް އެކުލަވާލުމުގެ މަސައްކަތްތައް ފެށުމަށް ނިންމަވައިފި
ދައުލަތުގެ އިސްނެންގެވުމުގެ ދަށުން މީޑިއާ ވިލެޖެއް އެކުލަވާލުމުގެ މަސައްކަތްތައް ފެށުމަށް ނިންމަވައިފިއެވެ.
މިކަން ހާމަކުރައްވާ ރައީސް އޮފީހުން މިއަދު ވިދާޅުވީ މީޑިއާ ވިލެޖެއް އެކުލަވާލުމަށް ކުރައްވަންޖެހޭ މަސައްކަތްތައް ކަމާ ބެހޭ ފަރާތްތަކާއި ގުޅިގެން ކުރިއަށްގެންދިއުމަށް، ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވާފައިވާ ކަމަށެވެ.
ރައީސް މިގޮތަށް ނިންމެވީ އިއްޔެ ބޭއްވެވި ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ހުށަހެޅުއްވި ކަރުދާހުގެ މައްޗަށް ވަޒީރުންގެ މެދުގައި މަޝްވަރާކުރެއްވުމަށް ފަހުގައެވެ.
ރައީސް އޮފީހުން މިއަދު ވިދާޅުވީ މީޑިއާ ވިލެޖެއް ހެއްދެވުމުގެ އިތުރުން، ދައުލަތުގެ ބަޖެޓުން ފައިސާގެ ވަކި އިންސައްތައެއް މީޑިއާތަކަށް ކަނޑައެޅުމާ ބެހޭގޮތުން ރައީސް ވަނީ ވަޒީރުންގެ މަޖިލީހާއެކު އިއްޔެ މަޝްވަރާ ކުރައްވާފައިވާ ކަމަށެވެ
Ads by STO
