ތިން ރަށެއްގެ ބައި-އިލެކްޝަންގެ ވޯޓުލުން ކުރިއަށް
ތިން ރަށެއްގެ ބައި އިލެކްޝަންގެ ވޯޓުލުން މިއަދު ފެށިގެން ކުރިއަށްދާ ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އީސީން ބުނީ ބައި-އިލެކްޝަން ކުރިއަށްދަނީ ފ.އަތޮޅު އަދި ވ.ފެލިދޫ ކައުންސިލް ރައީސް އަދި ރ.ރަސްގެތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރުން އިންތިހާބު ކުރުމަށް ކަމަށެވެ.
މި ބައި-އިލެކްޝަންތަކުގެ ވޯޓުލުން މިއަދު ހެނދުނު 8:00 ޖެހިއިރު ވަނީ ފަށާފައެވެ. އީސީން ބުނީ ވޯޓުލުން ކުރިއަށް ދާނީ ހަވީރު 4:00 އާ ހަމަޔަށް ކަމަށެވެ.
ކޮމިޝަނުން ދާދި އާއްމުކޮށްފައިވާ މައުލޫމާތު ދައްކާ ގޮތުން އެ ތިން ރަށުގެ ބައި-އިލެކްޝަނުގައި ވޯޓުލުމުގެ ހައްގު 5574 މީހަކަށް ލިބިގެންވެއެވެ. އެގާރާ ޖެހުމާއި ހަމަޔަށް ވޯޓުލާފައިވަނީ 657 މީހުންނެވެ. އެއީ 297 އަންހެނުންނާއި 360 ފިރިހެނުންނެވެ.
ފ އަތޮޅު ކައުންސިލް ރައީސް ހޮވުމަށް ބާއްވާ ބައި-އިލެކްޝަނުގެ ވޯޓު ފޮށިތައް ހުންނާނީ
ފ. ފީއަލި، ފ. ބިލެތްދޫ، ފ. މަގޫދޫ، ފ. ދަރަނބޫދޫ އަދި ފ. ނިލަންދޫގައެވެ. ވ. ފެލިދޫ އާއި ރ. ރަސްގެތީމު ބައި-އިލެކްޝަންގެ ވޯޓު ފޮށިތައް އެ ރަށްރަށުގައި ބަހައްޓާފައި ހުންނާނެކަމަށްވެސް އީސީން ބުންޏެވެ.
Ads by STO
