Saturday, 21 November 2026
Advertisement
MWSC — SmartMeter (leaderboard)
އިޖުތިމާޢީ

ސްކޫލްތަކުން ބުލީގެ 26 ކޭހެއް، ގޮންޖެހުމަކީ ކައުންސިލަރުން މަދުވުން

ސްކޫލްތަކުން ބުލީގެ 26 ކޭހެއް، ގޮންޖެހުމަކީ ކައުންސިލަރުން މަދުވުން
ތައުލީމީ ނިޒާމް ތެރޭގައި ބުލީގެ 26 ކޭހެއް ރިކޯޑްކުރެވިފައިވާ ކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު މިރޭ ވިދާޅުވެއްޖެއެވެ. އއ. ރަސްދޫގައި ކުޑަ ކުއްޖަކަށް ބުލީ ކުރި މައްސަލައާ ގުޅިގެން ކަމާބެހޭ މުއައްސަސާތަކުން މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރު ވިދާޅުވީ ތައުލީމީ އަހަރުގެ ތެރޭގައި ރިކޯޑް ކުރެވުނު 26 ކޭހަކީ ދުނިޔޭގެ ނިސްބަތާ އަޅައިބަލާއިރު މަދު އަދަދެެއް ކަމަށެވެ. ނަމަވެސް އެއީ މަދު އަދަދެއް ކަމަށް ބުނެ ނިންމާލުމުގެ ބަދަލުގައި މިނިސްޓްރީން ބޭނުންވަނީ އެފަދަ ކަންތައްތައް ތަކުރާރުނުވާނެ ގޮތަކަށް ފިޔަވަޅުތައް އެޅުމަށެވެ. ނަމަވެސް ބުލީގެ މައްސަލަ ކުރިމަތިވާ ސްކޫލުތަކެއް ނަމެއް މިނިސްޓަރު ހާމައެއް ނުކުރައްވައެވެ. މިނިސްޓަރު ދެއްވި ޔަގީންކަމަކީ ރަނގަޅު ފިޔަަވަޅުތަކެއް އެޅިއްޖެނަމަ އެ މައްސަލަތައް މަދުވާނެ ކަމެވެ. އެކަމަކު އެކަމުގައި އޮތް ގޮންޖެހުމެއްވެސް މިނިސްޓަރު، ޕްރެސް ބްރީފިން ގައި ފާހަގަކުރެއްވިއެވެ. އެއީ މިހާރު ހުރި 225 މަދަރުސާގެ ތެރެއިން ކައުންސިލިންގެ ހިދުމަތް ލިބޭ މަދަރުސާތައް މަދުވުމެވެ.
ނަމަވެސް މި މައްސަލައަށް ހައްލު ގެނައުމަށް ރައީސް ގެ ހާއްސަ ލަފާ އާއި އެކު، ކައުންސިލަރުން ތަމްރީނު ކުރެވި މަދަރުސާތަކަށް ކައުންސިލަރުން ހަމަޖެހިގެން ދާނެ
ޝަފީއު ވިދާޅުވީ އެކަށީގެންވާ އަދަދަށް ކައުންސިލަރުން ހަމަޖެހިގެން ދިޔުން ވެގެންދާނީ ދަރިވަރުންނަށް ލިބޭ ނަފްސާނީ އަނިޔާތަކުން އަރައިގަތުމަށް ބޭނުންވާ ބޮޑު އެހީ އަކަށެވެ. އަދި ހަމައެއާއެކު އެފަދަ ކަންކަމާއި ގުޅޭ ގޮތުން ބެލެނިވެރިންނާއި މުދައްރިސުން އަހުލުވެރި ކުރުވަން ކުރިއަށް އޮތް ތަނުގައި އިތުރު ޕްރޮގްރާމްތަކެއް ހިންގުމަށް ރާވާފައިވާ ކަމަށް މިނިސްޓަރު ވިދާޅުވިއެވެ. މިނިސްޓަރު ވިދާޅުވީ ބުލީގެ ޝިކާރައަށް ވެފައިވާ ދަރިވަރުންނަށް ލިބެން ޖެހޭ އެހީތެރިކަން ދެމެންދާ ކަމަށެވެ. ސްކޫލު މާހައުލުން ލިބިފައިވާ އަނިޔާއެއްގެ ސަބަބުން މަދަރުސާ އަށް ދާން ޖެހިލުންވާ ދަރިވަރުންނަށް ގޭގައި ތިބެގެން ތައުލީމު ހާސިލުކުރެވޭނެ ނިޒާމުވެސް މިިނިސްޓްރީން ވަނީ ހަމަޖައްސާފައެވެ. ރާއްޖޭގައި ބުލީގެ މައްސަލަަތައް މަދު ނަމަވެސް މިފަދަ މައްސަލަތައް ރިޕޯޓު ކުރެވޭ އަދަދު ދަނީ އަހަރަކަށް ވުރެ އަހަރެއް އިތުރުވަމުން ކަމަށާއި އެކަމަކަށް ހައްލު ގެނައުމަށް ރައްޔިތުން ހޭލުންތެރިކަން އިތުރުކުރަން ޖެހޭ ކަމަށް އެ ޕްރެސް ބްރީފިންގައި ބައިވެރިވެވަޑައިގެންނެވި ހުރިހާ ބޭފުޅުން ގޮތަށް ވަނީ ފާހަގަކޮށްފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.