އިންކަމް ސަޕޯޓް އެލަވަންސް ދިނުމުގައި ކޮރަޕްޝަނެއް ނެތް: އޮޑިޓް

ކޮވިޑް-19 އާއި ގުޅިގެން އާމްދަނީ އަށް ނުރަނގަޅު އަސަރުކޮށްފައިވާ ފަރާތްތަކަށް އިންކަމް ސަޕޯޓު އެލަވަންސް ދިނުމުގައި ހަރަދުކޮށްފައިވަނީ އިންކަމް ސަޕޯޓު އެލަވަންސް ދިނުމުގެ އުސޫލާއި "ވެރިފިކޭޝަން ގައިޑްލައިން ފޯ އިންކަން ސަޕޯޓް ޕްރޮގްރާމް" އާ އެއްގޮތަށް ކަމުގައި އޮޑިޓް އޮފީހުން ހާމަކޮށްފިއެވެ.

Ads by STELCO

އެގޮތުން 30 ޖޫން 2020 ގެ ނިޔަލަށް، އިންކަމް ސަޕޯޓް އެލަވަންސް ހޯދުމަށް އެދި ހުށަހަޅާފައިވާ ފަރާތްތަކުގެ ތެރެއިން 506,2 ފަރާތަކަށް ޖުމުލަ 378,049,10( ދިހަ މިލިއަން ސާޅީސް ނުވަ ހާސް ތިން ސަތޭކަ ހަތްދިހަ އަށެއް( ރުފިޔާ އިންކަމް ސަޕޯޓް އެލަވަންސްގެ ގޮތުގައި ވަނީ ދޫކޮށްފައެވެ. މި ފައިސާ ޚަރަދުކުރަމުން ގެންގޮސްފައިވަނީ ކޮވިޑް-19 ރެސްޕޮންސް ޓްރަސްޓް ފަންޑުންނެވެ.

ދޫކޮށްފައިވާ ފައިސާގެ ތަފްސީލުތަކަށް ބަލާ އިރު، ވަޒީފާ އަދާކުރާ ފަރާތްތަކުގެ ތެރެއިން އާމްދަނީއަށް ނުރަނގަޅު އަސަރު ކޮށްފައިވާ 2042 ފަރާތަކަށް 7،787،447 (ހަތް މިލިއަން ހަތްލައްކަ އަށްޑިހަ ހަތްހާސް ހަތަރުސަތޭކަ ސާޅީސް ހަތް) ރުފިޔާ އަދި އަމިއްލަ މަސައްކަތް ކުރާ ފަރާތްތަކުގެ ތެރެއިން އާމްދަނީ އަށް ނުރަނގަޅު އަސަރު ކޮށްފައިވާ 464 ފަރާތަކަށް 2،261،931 (ދެ މިލިއަން ދެލައްކަ ފަސްދޮޅަސް އެއްހާސް ނުވަސަތޭކަ ތިރީސް އެއް) ރުފިޔާ ދީފައިވެއެވެ.

އެންސްޕާ މެދުވެރިކޮށް ދޫކުރެވޭ މި ފައިސާ ހަވާލުކުރެވެނީ މާޗް 1، 2020ގެ ފަހުން، ކޮވިޑް-19 ސަބަބުން ވަޒީފާ އިން ވަކިކުރެވިފައިވާ ނުވަތަ ވަޒީފާ އިން ސަސްޕެންޑްކުރެވިފައިވާ ފަރާތްތައް އަދި މުސާރަ ނުލިބޭގޮތަށް ނޯ ޕޭ ލީވްއަށް ފޮނުވާލެވިއިވާ ފަރާތްތަކަށް އަދި މުސާރައިގެ ގޮތުގައި ލިބޭ އެއްޗަކުން ބައެއް އުނިކުރެވިފައިވާ ފަރާތްތަކަށެވެ.