މި އަންހެން މީހާގެ ޝަކުވާތައް ހިއުމަން ޓްރެފިކިން މައްސަލައެއްގެ ގޮތުގައި ބަލަނީ
ރާއްޖޭގައި މަސައްކަތްކުރާ އިންޑިއާ އަންހެނަކު ޓިކްޓޮކް ގައި ތިލަކުރި ވާހަކަތަކަކާއި އެކު ހިއުމަން ޓްރެފިކިންގެ މައްސަލައެއް ފުލުހުން ބަލަން ފަށައިފި އެވެ.
މެހެރޫމް ނިސާ ސައްޔިދު ނަމަކަށް ކިޔާ އިންޑިއާ އަންހެނަކު ޓިކްޓޮކްގައި އާއްމުކުރި ވީޑިއޯއެއްގައި ބުނީ، ވަޒީފާ އަދާކުރަން އޭނާ ރާއްޖެ އައީ 2022 ވަނަ އަހަރު ކަމަށެވެ. ނިސާ ކިޔަދިން ގޮތުންނަމަ އޭނާ ރާއްޖެ އައި ކޮވިޑުގެ ލޮކްޑައުންއާ އެކު އާމްދަނީ ލިބުމުގައި ދަތިތަކެއް ދިމާވެގެންނެވެ. ނިސާއާ އެއްބަނޑު އެއްބަފާ އަންހެނަކުވެސް ރާއްޖެ މީހަކާއި އިނދެގެން މ. ވޭވަށުގައި އެބައުޅެ އެވެ. ނިސާ ބުނި ގޮތުންނަމަ އޭނާގެ ޅިޔަނަށް ކިޔަނީ އަބްދުﷲ ފައިސަލް އެވެ. އޭނާ ކިޔަދިން ގޮތުންނަމަ ރާއްޖެ އައީ ފެކްޓަރީއަކުން ވަޒީފާއެއް ހަމަޖެހޭނެ ކަމަށާއި އަދި ބަރާބަރަށް މުސާރާދޭނެ ކަމަށް މުހައްމަދު ފައިސަލް ބުނުމުންނެވެ.
"އެ ދެމަފިރިން (ފައިސަލްއާ އޭނާގެ އަންހެނުން) ގެ ވާހަކަ އަޑުއަހާފައި އަހަރެން ރާއްޖެ އައީ. އަހަރެން މިތަނަށް އައީމަ އެނގުނީ ފެކްޓަރީގައި ވަޒީފާއަކަށް ނޫންކަން ގެނައީ. ވަޒީފާ ހަމަޖެއްސީ ހޮޓަލަކުން. މަަސައްކަތްކުރި ހޮޓަލުން އަހަންނަށް މުސާރައެއް ނުދޭ. ވަރަށް އުދަނގޫ ކުރޭ. ހެނދުނުން ފެށިގެން ރޭގަނޑު ދޭއް ޖަހަންދެން މަސައްކަތްކުރަން ޖެހުނު، ނިދަން ކީއްކުރަން، ނަމާދުކޮށްލަންވެސް ވަގުތެއް ނުލިބޭ" ހިންދީ ބަހުން ނިސާ ކިޔައިދިނެވެ.
"މުސާރަ ދޭށޭ ބުނެ ބުނެ އަހަރެން ވަރުބަލިވެއްޖެ، ހަމަ ނުދިން. އަހަރެންގެ ދަރިން ދޫކޮށްލާފައި އައީ" ނިސާ ބުނީ މުސާރަ ނުދޭތީވެ މަޖުބޫރުވެގެން މާލެއަށް ބަދަލުވީ ކަމަށެވެ. އެއަށް ފަހު މާލޭ ގެއްގައި މަސައްކަތްކުރަމުންދާ ކަމަށެވެ. އާދޭސްކޮށްފައި ނިސާ، ފައިސަލް ގާތު އެދުނީ މުސާރަ ހަމަޖައްސައި ދިނުމަށެވެ.
އެ ވާހަކަތަކާއި ގުޅިގެން "ދެން" އަށް ފޮނުވި ޓެކްސްޓް މެސެޖެއްގައި ފައިސަލް ބުނީ 2022 ވަނަ އަހަރު އޭނާގެ ފަހަރި (ނިސާ) ރާއްޖެ ގެނައީ ފެމެލީ (ސްޕޮންސާސިޕް) ވިސާގައި ކަމަށެވެ. އެފަހަރު އެނބުރި އިންޑިޔާ އަށް ދިޔުމުގެ ކުރިން މ. މުލަކު ފިސިންވިލެޖޭ ކިޔުނު ހޮޓަލުގެ ވެރިޔާ އާއި ބައްދަލުކޮށް ނިސާއަށް އެތަނުން ވެއިޓަރުގެ ވަޒީފާ ހަމަޖެއްސި ކަމަށެވެ.
"ޖޮބު ހަމަޖެހުނު އިރު ފިސިން ވިލެޖުގެ ވިސާ ސަސްޕެންޑު ވެފައިވާތީ އޭނާގެ ކޯޓާ ރަނގަޅުވުމުން ފިސިން ވިލެޖުގެ ނަމަށް ބަދަލުކުރާގޮތަށް އޭނާ މާލެ އައީ، އަޅުގަނޑުގެ ވޯކް ޕާމިޓް ވިސާގައި" ފައިސަލް ބުނީ އިތުރު ފައިސާ ހޯދަން ނިސާ އެ ހޮޓަލުގައި އޯވާޓައިމްކޮށް މަސައްކަތްކުރި ކަމަށެވެ.
އަދި އެ މަސައްކަތް އޭނާއަށް ކަމުުނުދިޔުމުން މާލޭ ގެއްގައި ބޭބީ ސިޓާއަކަށް މަސައްކަތް ކުރަން އެދެމުން ނޯއޮބްޖެކުސަން ސިޓީ ދީފައިވާނެ ކަމަށެވެ.
"މިހާރު އޭނާ މަސައްކަތް ކުރަނީ ބޭބީ ސިޓާއެއްގެ ގޮތުގައި މާޒީގައި މެހެރުގެ ފަރާތުން އަހުރެމެންނަށް ލިބިފައި ވަނީ އޯގާތެރި ކަމާލޯބި..އަހުރެމެން ވެސް އޭނާއަށް ދީފައިވަނީ ލޯތްބާ ހިމާޔަތެވެ"
ފައިސަލް ބުނީ ފިސިންވިލެޖުން އޭނާއަށް ދޭންޖެހޭ ދެމަސްދުވަހުގެ މުސާރައިގެ ފައިސާ އޭނާއަށް ހޯދައި ދޭން ކުރިމަސައްކަތް އަދިކާމިޔާބު ނުވިޔަސް އެފައިސާވެސް އަދި ލިބޭނެ ކަމަށެވެ.
ފުލުހުންގެ ތަރުޖަމާނު އަހުމަދު ޝިފާން 'އެކްްސް' ގައި ވިދާޅުވީ މީމު އަތޮޅު ޕޮލިހުން އެ މައްސަލާގައި ބަލަންޖެހޭ ކަންކަން ބަލަމުންދާ ކަމަށެވެ.
ނިސާ ބުނާގޮތުން ރާއްޖެއަށް އޭނާ އައީ ދަރިފުޅު ނަރުހަކަށް ވުމަށް ކިޔަވާތީ ފައިސާ ހޯދާށެވެ. އެހެންނަމަވެސް ފައިސާ ނުލިބި ގިނަ ދުވަސްވާތީ އޭނާ ކަންބޮޑުވުން ފާޅު ކުރި އެވެ.
ނިސާ މިހާރު މަސައްކަތް ކުރާ ގޭގެ މީހުން މުސާރަ ދެ އެވެ. އެހެންނަމަވެސް ކުރިން މަސައްކަތް ކުރި ތަނުން ފައިސާ ނުދޭތީ ކޮންމެ ދުވަހަކު ފައިސަލްއަށް ގުޅައި އާދޭސް ކުރާކަން މިހާރު ހުންނަ ގޭގެ މީހުންނަށްވެސް އިނގޭނެ ކަމަށް އޭނާ ބުންޏެވެ.
ތިޔައީ ބޭރުމީހަކާ އިދެންގެން ފޮނުކަނޑަމުންދާ މީހެއް، އޭނާގެ ޙަޤީޤަތް އަބަދުވެސް އޮންނާނީ އެންމެންނަށް އެގޭ ބޮޑު ސިއްރެއްގެ ގޮތުގައި، ކުރިން އުޅުނު ގޮތެއް ދުވަހަކުވެސް މީހަކަށް ކިޔައެއްނުދޭ، އޭނާގެ ޙަޤީޤަތް މުޅި މ. އަތޮޅަށް އެގޭނެ،
ތިޔަ ފައިސަލް އަކީ މި ރާއްޖޭގައި ކްރިސްޓިއަން ދީން ފަތުރަން އުޅުނުމީހެއް. ދެން ތިޔަ ދައްކާ ފިސިން ވިލެޖް ބޮޑުމީހާ އަންޑޭ އަކީ ހަމަ ވަގެއް. އެ ފައިސާ ދެނެން ނުލިބޭނެ. ހުސް ވަގުންގެ ވާހަކަ މި ދެއްކެނީ. ފައިސަލް އަދި އަންޑޭ
ބިދޭސީން ހެޔޮވާނެ ކޮންމެ ގޮތަކަށް އުޅުނަސް. ދިވެހިމީހާ އަށް ހުރިހާ އުނދަގުލެއް.
އެވެސް އިންސާނެއް
ދިވެހި މީހާ ހެޔޮތަ ބިދޭސީ މީހާ ވިއްކައިގެން ކެޔަސް މުސާެަރަ ނުދީ.