ހޯނޑެއްދޫގައި އޮތީ ކޮމިއުނިޓީ ޓްރާންސްމިޝަންއެއް ނޫން، އުޅެނީ އެއް ކްލަސްޓަރ
ހޯނޑެއްދޫގައި އޮތީ ކޮމިއުނިޓީ ޓްރާންސްމިޝަންއެއް ނޫން، އުޅެނީ އެއް ކްލަސްޓަރ އެއް ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ.ނަޒްލާ ރަފީގު ވިދާޅުވެއްޖެއެވެ.
އެޗްއީއޯސީ ގެ ފަރާތުން ކުރިއަށް ގެންދާ ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ އެރަށަށް ބަލި ހިފައިގެން ދިޔަ މީހާ މިހާތަނަށް އެނގިފައިނުވާ ކަމަށާއި ނަމަވެސް އެ މީހާ ހޯދުުމުގެ މަސައްކަތް ކުރަމުން އަންނަ ކަމަށެވެ.
އަދި ބަލި އެރަށަށް ދާނީ މާލެއިން ކަމަށާއި ކުރިއަށް އޮތް ދެތިން ދުވަހުގެ ތެރޭގައި ބަލި ހިފައިގެން އެރަށަށް ދިޔަ މީހާ ހޯދޭނެ ކަމަށް ގަބޫލު ކުރާ ކަމަށްވެސް ޑރ. ނަޒްލާ ވިދާޅުވިއެވެ.
މީގެ އިތުރުން ފައްސިވި އެންމެ އެކަކު އަނެކަކާ ކޮންޓެކްޓު ވެފައިވާ ކަމަށާއި ބަލި ޖެހުނު އެންމެންގެ ހަރަކާތްތައް ބަލަމުން އަންނަ ކަމަށްވެސް ނަޒްލާ ވިދާޅުވިއެވެ.
އެރަށުން ވަނީ މިހާތަނަށް 25 މީހަކު ފައްސިވެފައެވެ. އެގޮތުން ރެންޑަމް ސާމްޕަލިންގެ ތެރެއިން ވެސް 19 މީހަކު ވަނީ މިއަދު ފައްސިވެފައެވެ. އެރަށުން މިއަދު ފައްސިވީ މީހުންގެ ތެރޭގައި ހިމެނެނީ 11 ފިރިހެނުންނާއި 8 އަންހެނުންނެވެ.
އެފަރާތްތަކުގެ އުމުރު ފުރާއަށް ބަލާއިރު ފައްސިވެފައި ވަނީ އެއް އަހަރުން ދަށުގެ ދެ ކުއްޖަކާއި އެއް 1-18 އަހަރުގެ އަށް ކުއްޖަކާއި 18-50 އަހަރުގެ ހަތް މީހަކާއި 50 އަހަރުން މަތީގެ ދެ މީހެކެވެ.
Ads by STO
