މިދިޔަ މަހު އެންމެ ގިނައީ ވައްކަމުގެ މައްސަލަތައް
މިދިޔަ ޖޫން މަހު ފުލުހަށް އެންމެ ގިނައިން ހުށަހެޅީ ވައްކަމުގެ މައްސަލަތައް ކަމަށާއި ވައްކަމުގެ 315 މައްސަލަ ހުށަހަޅާފައިވާކަމަށް ފުލުހުންގެ ތަފާސް ހިސާބުތަކުން ދައްކައިފި އެވެ.
ކޮންމެ މަހަކު އެއްފަހަރު ފުލުހުން ކުށުގެ ތަފާސް ހިސާބު އާންމު ކުރާއިރު މިދިޔަ ޖޫން މަހުގެ ހިސާބުތައް މިއަދު ވަނީ އާންމުކޮށްފަ އެވެ. އެންމެ ގިނައިން މިދިޔަ މަހު ހުށަހަޅާފައިވަނީ ވައްކަމުގެ މައްސަލަތަކާއި، މަގުމަތީގެ އެކްސިޑެންޓުތަކުގެ އިތުރުން މަސްތުވާތަކެތީގެ މައްސަލަތަކެވެ.
ޖޫން މަހުގެ ކުށުގެ ރިޕޯޓު:
- ވައްކަމުގެ 315 މައްސަލަ
- މަގުމަތީގެ އެކްސިޑެންޓުގެ 212 މައްސަލަ
- މަސްތުވާތަކެތީގެ 175 މައްސަލަ
- ތަކެތި ގެއްލިގެން 77 މައްސަލަ
- މުދަލަށް ގެއްލުން ދިނުމުގެ 64 މައްސަލަ
- މަކަރާއި ހީލަތުގެ 50 މައްސަލަ
- އަނިޔާކުރުމުގެ 47 މައްސަލަ
- ފޭރުމުގެ 29 މައްސަލަ
- ގެވެށި އަނިޔާގެ 25 މައްސަލަ
- ޖިންސީ ގޯނާގެ 23 މައްސަލަ
މީގެ އިތުރުން ހޮޅުވާލުމުގެ އަށް މައްސަލައަކާއި ޗެކް ބައުންސް ވުމުގެ ދެ މައްސަލައެއްވެސް މިދިޔަ މަހު ފުލުހަށް ހުށަހަޅާފައި ވެއެވެ.
މިއަހަރަށް ބަލާއިރުވެސް މިހާތަނަށް އެންމެ ގިނައިން ހުށަހަޅާފައިވަނީ ވައްކަމުގެ މައްސަލަތަކެވެ. އެގޮތުން ވައްކަމުގެ 1،891 މައްސަލައެއް ވަނީ ހުށަހަޅައިފަ އެވެ. މީގެ އިތުރުން މަގުމަތީގެ އެކްސިޑެންޓާއި މަސްތުވާތަކެތީގެ މައްސަލަތައްވެސް މި އަހަރު ވަނީ ގިނަ އަދަދަކަށް ހުށަހަޅައިފަ އެވެ.
