ލޯންޗެއް ގެއްލި، ދަތުރުކުރާ މީހުން ސަމާލުވުމަށް އެދިއްޖެ
އއ. އަތުރުގާގެ ފަޅުގައި އަޅާފައިވާ ލޯންޗެއް ކަނޑައް ގެއްލިފައިވާތީ ދަތުރު ކުރާ މީހުން ސަމާލުވުމަށް އެދިއްޖެއެވެ. މި ލޯންޗު ގެއްލިފައިވަނީ ނަގިލީގެ ވާގަނޑު ކަނޑައިގެން ގޮސްގެން ކަމަށް އެމްއެންޑީއެފުން މައުލޫމާތު ދެއެވެ.
މި ލޯންޗަކީ 25 ފޫޓުގެ ވޯޓަރ ސްޕޯރޓްސް ލޯންޗެއް ކަމަށާއި މި ހާދިސާ ރިޕޯޓްކޮށްފައި ވަނީ ފަތިހު 04:39 ގައި ކަމަށް ވެސް އެމްއެންޑީއެފުން މައުލޫމާތު ދެއެެވެ. އެމްއެންޑީއެފުން ބުނީ މި ލޯންޗުގެ ވާ ގަނޑު ކަނޑައިގެން ގޮސްފައިވަނީ 125 އެޗްޕީ މާކިއުރީ އިންޖީނެއްގެ ސަބަބުން ކަމަށެވެ.
ގެއްލިފައި މިވާ ލޯންޗަކީ ރަޖިސްޓަރ ކޮށްފައިވާ ލޯންޗެއް ނޫންކަން ވެސް އެމްއެންޑީއެފުން ވަނީ ފާހަގަ ކޮށްފައެވެ. އެމްއެންޑީއެފުން ވަނީ އެ ހާދިސާއާއި ގުޅިގެން އަތުރުގާ އޮންނަ ހިސާބު ކައިރިން ދަތުރު ކުރާ ހުރިހާ ފަރާތްތަކުން ސަމާލުވުމަށް އެދިފައެވެ. އަދި މި ލޯންޗާއި ގުޅޭ މައުލޫމާތެއް ލިބިއްޖެ ނަމަ އެމްއެންޑީއެފާ އެކަން ހިއްސާ ކުރުމަށްވެސް ވަނީ އެދިިފައެވެ.
މި ދުވަސްވަރު ރާއްޖޭގެ އެކި ކަންކޮޅުތަކަށް މޫސުން ގޯސްވެފައިވާ ކަން ފާހަގަ ކުރެވެއެވެ. އެގޮތުން ބައެއް ސަރަހައްދުތަކަށް ހުދު ސަމާލު އަދި ބައެއް ސަރަހައްދުތަކަށް އޮރެންޖު ސަމާލު ވެސް ނެރެފައިވާ ކަން ފާހަގަ ކޮށްލެވެއެވެ.
