ކޮވިޑް19: ޓްރަމްޕްގެ އަނގަ ބަންދުކޮށްލި ގްރެޓާއަށް ކޮރޯނާ ޖެހިއްޖެކަމަށް އޭނާ ބުނެފި
ތިމާވެށި ހިމާޔަތްކުރުމަށް މަސައްކަތްކުރުމުން ގިނަ ބައެއްގެ ސަމާލުކަން ހޯދި ގްރެޓާ ތަންބާގް އަށް ވައިރަސް ޖެހިފައިވާ ކަމަށާއި މިހާރު ހުރީ އޭނާގެ ބައްޕައާއެކު ގޭގައި އެކަހެރި ވެގެންކަމަށް އޭނާ ބުނެފިއެވެ.
ޑެއިލީ މެއިލްއިން ރިޕޯޓުކޮށްފައިވާ ގޮތުގައި ގްރެޓާ އަށް ވެސް އަދި އޭނާގެ ބައްޕައަށް ވެސް ވައިރަސް ޖެހުނީ ދާދި ފަހުން އެދެމީހުން އެކުގައި ޔޫރަޕަށް ކުރި ރޭލު ދަތުރެއްގެ ފަހުންނެވެ. އެ ދަތުރުގެ ފަހުން އެ ދެމީހުން ވެސް ވައިރަހަށް ޝައްކު ކުރެވޭ އަލާމާތްތައް ފެނުމާއެކު ފާއިތުވި ހަފްތާތަކުގައި ތިބީ ގޭގައި އެކަހެރިވެގެން ކަމަށް ވެސް ރިޕޯޓުކޮށްފައިވެއެވެ.
ގްރެޓަރ މިއަދު އޭނާގެ އިންސްޓަގްރާމްގައި ކޮށްފައިވާ ޕޯސްޓެއްގައި ބުނެފައިވާ ގޮތުގައި އެ ދަތުރަށް ފަހު އޭނާ ހުންއައިސް ކަރުގައި ރިއްސާ ވަރަށް ބޮޑަށް ވަރުބަލި ވަމުން އަންނަ ކަމަށެވެ. އޭނާ އިތުރަށް ބުނެފައިވާ ގޮތުގައި ލަފާކުރެވެނީ ކޮވިޑް19 ކަމަށާއި ނަމަވެސް އޭނާގެ ގައުމު ސްވިޑުން އިން ވައިރަހަށް ޓެސްޓުކުރެވެނީ ހަމައެކަނި އިމަޖެންސީ ކޭސްތަކުގައި އެކަނި ކަމުން ވައިރަސްކަން ޔަގީންކުރެވިފައިނުވާކަމަށެވެ.
ޔޫރަޕުގެ ގިނަ ގައުމުތަކުގައި ހަލުވިކަމާއެކު ވައިރަސް ފެތުރުމުގެ ސަބަބުން މިހާރުވަނީ ގިނަ ގައުމުތަކެއް ލޮކްޑައުންވެސް ކޮށްފައެވެ.
މޫސުމަށް އަންނަ ބަދަލުތަކާ ދެކޮޅަށް މަސައްކަތްކުރާ 17 އަހަރު ގެ ގްރެޓާ އަކީ "ރުޅި ކޮންޓްރޯލް ނުވާ ކުއްޖެއް ކަމަށާއި އެ ކަމަށް އޭނާ މަސައްކަތް ކުރަން ޖެހޭ" ކަމަށް ވިދާޅުވެ، އެމެރިކާގެ ރައީސް ޑޮނަލްޑް ޓްރަމްޕް ކުރެއްވި ޓްވީޓަކަށް ގްރެޓާ ރައްދުދީ ގިނަ ބައެއްގެ ސަމާލުކަން ހޯދިއެވެ. ޓްވިޓާގެ ބައޯގައި "ފުރާވަރުގެ ކުއްޖަކު ރުޅި ކޮންޓްރޯލް ކުރަން މިހާރު މަސައްކަތް ކުރަމުން އަންނަ ކަމަށް" ލިޔެ ގްރެޓާ ޓްރަމްޕްގެ އަނގަ ބަންދުކޮށްލައި ގިނަ ބައެއްގެ ލޯބިހޯދިއެެވެ.
