ކޮވިޑް-19 ޖެހުނު މީހުންގެ އަދަދު ހަތަރު ލައްކަ އަށް ވުރެ މައްޗަށް

މިދިޔަ އަހަރުގެ ފަހުކޮޅު ޗައިނާގެ ވޫހާން އިން ފެތުރެން ފެށި ކޮވިޑް-19 ޖެހުނު މީހުންގެ އަދަދު ހަތަރު ލައްކަ އަށް އަރައިފިއެވެ.

Ads by Sosun Fihaara

އެގޮތުން ދުނިޔޭގެ އެކި ކަންކޮޅުތަކުން 407،485 މީހުންނަށް މި ބަލި ޖެހިފައިވާއިރު 18،000 އަށް ވުރެ ގިނަ މީހުން ވަނީ މަރުވެފައެވެ.

މި ބަލި ޖެހުނު މީހުންގެ އަދަދު ހަތަރު ލައްކަ އަށް އެރިއިރު، ފާއިތުވި ތިން ދުވަސްތެރޭ މި ބައްޔަށް 100،000 އަށް ވުރެ ގިނަ މީހުން ވަނީ ޕޮޒިޓިވް ވެފައެވެ.

ޗައިނާގައި މިހާރު މި ބަލި ވަރަށް ބޮޑަށް ކޮންޓްރޯލްކޮށްފައިވާއިރު، މި ބަލީގެ ނުރައްކާ މިހާރު އެންމެ ބޮޑުވެފައިވަނީ ޔޫރަޕްގައެވެ. އެގޮތުން އިޓަލީގައި މި ބަލި ވަރަށް ބޮޑަށް ފެތުރިފައިވާއިރު އެގައުމުން މިހާތަނަށް 69،176 މީހުންނަށް ކޮވިޑް-19 ޖެހިފައިވާއިރު، 6،820 މީހުން މީހުން މަރުވެފައެވެ.

އިޓަލީގެ އިތުރުން ސްޕެއިން އާއި ފްރާންސް އާއި ޖަރުމަނު އަދި އެމެރިކާގައި ވެސް މި ބަލި އަންނަނީ ހަލުވިކަމާއެކު ފެތުރެމުންނެވެ.