އަލްހަމްދުލިالله، ބ. އަތޮޅު ހޮސްޕިޓަލުގައި ކޮވިޑް ޖެހިގެން ފަރުވާ ދިން 81 އަހަރުގެ މީހަކު ރަނގަޅުވެއްޖެ
ކޮވިޑް-19 ޖެހިގެން ބ.އަތޮޅު ހޮސްޕިޓަލުގައި ހުންނަ ކޮވިޑް ފެސިލިޓީ ފަރުވާ ދެމުން އައި އުމުރުން 81 އަހަރުގެ މީހަކު ބަލިން ރަނގަޅު ވެއްޖެއެވެ.
އެ ހޮސްޕިޓަލުން ބުނި ގޮތުގައި 23 އޯގަސްޓް 2020 ވަނަ ދުވަހު ކޮވިޑް19 އަށް ފައްސިވެގެން އެ ހޮސްޕިޓަލުން ފަރުވާ ހޯދަމުން އައި 81 އަހަރުގެ ފިރިހެނެއް ބަލިން ރަނގަޅު ވެފައިވަ ކަމަށެވެ.
މި މީހާ ބަލިން މުޅިން ފަސޭހަވެ އިއްޔެ ވަނީ ހޮސްޕިޓަލުން ދޫކޮށް ލެވިފައެވެ.
ބ، ހޮސްޕިޓަލުގައި ހުންނަނީ ޒޯން ބީ ރީޖަނަލް ކޮވިޑް މެނޭޖްމަންޓް ފެސިލިޓީއެވެ. އެ ރީޖަން ގައި ށ،ރ،ބ،ޅ ހިމެނެއެވެ. އަދި މި ސަރަހައްދުން ފައްސިވާ އެންމެނަށް ފަރުވާ ދޭނީ އެ ފެސިލިޓީއިންނެވެ.
އެ ރީޖަންގެ ފެސިލިޓީ އިން އެ މިހާތަނަށް ހަތް މީހުންނަށް ފަރުވާ ދެމުން ގޮސްފައި ވެއެވެ.
ކޮވިޑް ފެސިލިޓީތައް ރާއްޖޭގެ އެކި ރީޖަން ތަކުގައި ގާއިމްކޮށްފައިވާއިރު، ފެސިލިޓީތަކުން ފަރުވާ ދެނީ ކޮވިޑް19 ގެ ހައި ރިސްކު މީހުންނާއި ހާލު ދެރަވާ މީހުނަށެވެ.
ހަސްފަތާލ ތަކުގައި ވެސް ކޮވިޑު ޖެހެން ފެށީތޯ؟