ޕްރިންސް ޗާލްސް ކޯވިޑް 19 އަށް ފޮޒިޓިވް ވެއްޖެ
ހަލުވިކަމާއިއެކު މިހާރު ދުނިޔޭގެ އެކި ހިސާބުތަކުގައި ފެތުރެމުން އަންނަ ނުރައްކާތެރި ވައިރަސް ކަމަށްވާ ކޯވިޑް 19 އަށް ޔޫކޭގެ ޕްރިންސް ޗާލްސް ޕޮޒިޓިވް ވެއްޖެއެވެ.
71 އަހަރުގެ ޕްރިންސް ޗާލްސް ކޯވިޑް 19 އަށް ޕޮޒިޓިވް ވެފައިވާކަން ކްލަރެންސް ހައުސް އިން މިއަދު ނެރުނު ބަޔާނެއްގައި ވަނީ ކަށަވަރު ކޮށްދީފައެވެ. ޕްރިންސް ޗާލްސް ކޮރޯނާ ވައިރަހަށް ޕޮޒިޓިވް ވެފައިވާއިރު އޭނާގެ ގައިން ވަނީ މިބަލީގެ ގިނަ އަލާމާތްތަކެއް ފެނިފައި ކަމަށްވެސް އެ ބަޔާނުގައި ބުނެފަވެއެވެ. ޕްރިންސް ޗާލްސް މިހާރު ހުރީ ސްކޮޓްލެންޑްގައި އޭނާގެ ގޭގައި ސެލްޕް އައިސޮލޭޝަންގައެވެ.
ޕްރިންސް ޗާލްސް ކޯވިޑް 19 އަށް ޕޮޒިޓިވް ވެފައިވީ ނަމަވެސް އޭނާގެ ހާލު ރަނގަޅު ކަމަށް ޝާހީ އާއިލާއިން ބުނެފައިވެއެވެ. ޕްރިންސް ޗާލްސްގެ އަންހެނުން އަދި ޑަޗަސް އޮފް ކޯންވޯލް ވެސް ވަނީ މިބަލި ހުރިތޯ ބެލުމަށް ޓެސްޓް ކޮށްފައެވެ. ނަމަވެސް އޭނާ ވަނީ ބައްޔަށް ނެގެޓިވް ވެފައެވެ.
ކޯވިޑް 19 ޖެހުނު މީހުންގެ އަދަދު މިހާރު ވަނީ 4 ލައްކައަށްވުރެ އިތުރުވެފައެވެ. ޔޫކޭގައި މިހާރު ވަނީ 8077 މީހުންނަށް ކޮރޯނާ ވައިރަސް ޖެހިފައެވެ. އޭގެ ތެރެއިން 422 މީހުން ވަނީ މަރުވެފައެވެ.
