ހިންނަވަރާއި ނައިފަރުގަ ޑްރަގް އޮޕަރޭޝަންތަކެއް

ޅ.ހިންނަވަރާއި ނައިފަރުގައި ފުލުހުން ޑްރަގް އޮޕަރޭޝަންތަކެއް  މިއަދު ފަށައިފި އެވެ.

Ads by STELCO

އެ އޮޕަރޭޝަން ހިންގަނީ ފުލުހުންގެ ޑްރަގް އެންފޯސްމެންޓާއި އިންޓަލިޖެންސް އަދި ނޯތް ޕޮލިސް ގުޅިގެންނެވެ.

މީޑިއާތަކަށް ފޮނުވި މެސެޖުގައި ފުލުހުން ބުނީ އިތުރު މައުލޫމާތު އޮޕަރޭޝަން ނިމުމުން މީޑިއާތަކާ ހިއްސާކުރާނެ ކަމަށެވެ.

މަސްތުވާތަކެތީގެ ވަބާއިން ރައްކާތެރި މުޖުތަމައެއް ގާއިމްކުރުމަށްޓަކައި ރަށްތަކުގައި އާއި މާލެ ސަރަހައްދުތަކުގައި ދޭތެރެ ދޭތެރެއިން ފުލުހުން ދަނީ އޮޕަރޭޝަންތައް ހިންގަމުންނެވެ. އަދި އެ އޮޕަރޭޝަންތަކުގައި މީހުން ހައްޔަރުކޮށް ބަންދުގެ މުއްދަތު ޖަހާފައިވެ އެވެ.

އެގޮތުން މި ފަހުން ފުވައްމުލަކުގައި ހިންގި "ވެށި ރައްކާތެރި" އޮޕަރޭޝަންގަައި އެރަށުން 14 މީހުން ހައްޔަރުކޮށްފައިވެ އެވެ.