8 ރަށެއްގެ މެޖިސްޓްރޭޓް ކޯޓަށް ފަނޑިޔާރުން ހޯދަން އިއުލާންކޮށްފި
8 ރަށެއްގެ މެޖިސްޓްރޭޓް ކޯޓަށް ފަނޑިޔާރުން ހޯދަން މިއަދު އިއުލާންކޮށްފި އެވެ.
ޖުޑިޝަލް ސާވިސް ކޮމިޝަން (ޖޭއެސްސީ) އިން މިއަދު 'އެކްސް' ގައި ކުރި އިއުލާނެއްގައި ފަނޑިޔާރުން ހޯދަން އިއުލާން ކޮށްފައިވަނީ:
- ހއ. ބާރަށް މެޖިސްޓްރޭޓް ކޯޓު
- ނ. މާފަރު މެޖިސްޓްރޭޓް ކޯޓު
- ބ. ކެންދޫ މެޖިސްޓްރޭޓް ކޯޓު
- ބ. ތުޅާދޫ މެޖިސްޓްރޭޓް ކޯޓު
- ކ. މާފުށި މެޖިސްޓްރޭޓް ކޯޓު
- ކ. ކާށިދޫ މެޖިސްޓްރޭޓް ކޯޓު
- ލ. މާވަށް މެޖިސްޓްރޭޓް ކޯޓް
- ގދ. ގައްދޫ މެޖިސްޓްރޭޓް ކޯޓު
ޖޭއެސްސީ އިން ކުރި އިއުލާނުގައި ބުނީ ފަނޑިޔާރުންގެ އަސާސީ މުސާރައެއްގެ ގޮތުގައި ކަނޑައަޅާފައިވަނީ 26350.00ރ ކަމަށެވެ. އޭގެ ތެރެއިން ލިވިންގް އެލަވަންސްގެ ގޮތުގައި 12,000.00ރ ލިބޭއިރު، ރިސްކް އެލަވަންސްގެ ގޮތުގައި ލިބެނީ 1,650.00ރ ކަމަށްވެސް އެ އިއުލާންގައިވެ އެވެ.
އިއުލާނުގައި ބުނީ ރައްޔިތުންގެ މަޖިލީހުން ކަނޑައަޅާފައިވާ ގޮތުގެ މަތިން ފޯނު އެލަވަންސް އާއި މެޑިކަލް އިންޝުއަރަންސް ލިބޭނެ ކަމަށެވެ.
ފަނޑިޔާރުކަމަށް އެދި ފޯމު ހުށަހެޅުމަށް ހުޅުވާލާފައިވަނީ އަންނަ ނޮވެންބަރު މަހުގެ 20 ވަނަ ދުވަހުގެ 12:00 ގެ ކުރިން ޖޭއެސްސީގެ ފަހިރެސް ޕޯޓަލް މެދުވެރިކޮށެވެ.
Ads by STO
