Saturday, 21 November 2026
Advertisement
Ooredoo — Airfibre (leaderboard)
ސަރުކާރު

ވަޒީފާގެ މަގުތައް ދައްކައިދޭ "ދާލަން 2024" މި މަހު 15 ގައި ފަށަނީ

ވަޒީފާގެ މަގުތައް ދައްކައިދޭ "ދާލަން 2024" މި މަހު 15 ގައި ފަށަނީ

ހަޔަ އެޑިޔުކޭޝަން، ލޭބަ އެންޑް ސްކިލްސް ޑިވެލޮޕްމަންޓް މިނިސްޓްރީން އިންތިޒާމުކޮށްގެން ބާއްވާ "ދަ ނޭޝަނަލް ސްކިލްސް އެންޑް ކެރިއާ އެކްސްޕޯ"، ދާލަން 2024 މި ނޮވެމްބަރު މަހު ބޭއްވުމަށް ތައްޔާރުވެއްޖެ އެވެ.

ހުޅުމާލެ ސެންޓްރަލް ޕާކުގައި މި މަހު 15 އަދި 16 ވަނަ ދުވަހު ކުރިއަށްގެންދާ މި އެކްސްޕޯއަކީ ދިވެހި ޒުވާނުންނަށް ކުރިމަގުގައި ހުރި ވަޒީފާގެ ފުރުސަތުތަކާއި ވަޒީފާއަކަށް ތައްޔާރުކޮށް ދިނުމަށް އަމާޒުކޮށްގެން ބާއްވާ ހަރަކާތެކެވެ. މި އެކްސްޕޯގައި ކޮލެޖުތަކާއި އިންސްޓިޓިއުޓްތަކާއި ސަރުކާރު ހިއްސާވާ ކުންފުނިތަކާއި އިންޑަސްޓްރީގެ ބައިވެރިންނާ އަދި އެކި މިނިސްޓްރީތަކުގެ ޑިޕާޓްމަންޓްތަކުން 45 އަށް ވުރެ ގިނަ ސްޓޯލް ބަހައްޓާނެ އެވެ.

ހަޔަ އެޑިޔުކޭޝަން މިނިސްޓްރީން ބުނީ މިއީ ދަރިވަރުންނާއި ޒުވާން ޕްރޮފެޝަނަލުންނަށް އިންޓަރެކްޓިވް ސެޝަންތަކާއި މައުލޫމާތު ފެތުރުމާއި ލައިވް ޑެމޮންސްޓްރޭޝަންތަކާ އަދި ޝައުގުވެރިކަން ހުރި ހަރަކާތްތަކުގެ ތެރެއިން އެކި ވައްތަރުގެ ވަޒީފާގެ މަގުތައް ދެނެގަތުމަށް ލިބޭ ފުރުސަތެއް ކަމަށެވެ.

Advertisement
HDC — Sidebar (box)

މި އެކްސްޕޯގައި އެކި ދާއިރާތަކުން ފާހަގަކޮށްލެވޭ ބޭފުޅުންގެ މަޝްވަރާ ބައްދަލުވުންތައް ކުރިއަށް ގެންދިއުމަށް ވަނީ ހަމަޖެހިފަ އެވެ. މި ބައްދަލުވުންތަކުގައި ވަޒީފާގެ ދާއިރާގައި ކުރިއަށް ދިއުމަށް ބޭނުންވާ މައުލޫމާތު ދޭނެ އެވެ. އަދި ބައިވެރިންނަށް ވަޒީފާގެ ފުރުސަތުތަކާއި އެ ފުރުސަތުތަކަށް ވާސިލުވުމަށް ބޭނުންވާ ރަނގަޅު މަގުތަކާ ބެހޭ ސާފު މައުލޫމާތު ލިބޭނެ އެވެ.

އިތުރަށް ބުނި ގޮތުގައި މިއީ ހަމައެކަނި މަތީ ތައުލީމުގެ ފުރުސަތުތައް ދައްކުވައިދޭ އެކްސްޕޯއެއް ނޫން ކަމަށާއި ހުނަރު ތަރައްގީ ކުރުމާއި ވަޒީފާގެ ދާއިރާގައި ކުރިއަށް ދިއުމަށް އަމާޒުކޮށްފައިވާ މުހިންމު މަންސައަކަށް ވެސް ވާނެ ކަމުގަ އެވެ.

ފަންނީ އަދި ޓެކްނިކަލް ތަމްރީނުތަކާ ގުޅުންހުރި މައުލޫމާތު ޓިވެޓްގެ މާހިރުންނާ ބައްދަލުކޮށް ލިބޭނެ އިންތިޒާމު ހަމަޖައްސައިދޭއިރު، މަތީ ފަންތީގެ ފަތުރުވެރިކަމާއި އިމާރާތް ކުރުމާއި ދެމެހެއްޓެނިވި ތަރައްގީ އަދި އިންޖިނިއަރިން ފަދަ މުހިންމު ދާއިރާތަކުން ހުރި ވަޒީފާގެ ފުރުސަތުތަކާ ބެހޭ މައުލޫމާތު ވެސް ދޭނެ އެވެ. އޭގެ އިތުރުން އަމިއްލަ އިންސްޓިޓިއުޓްތަކާއި ޓިވެޓް ސެންޓަރުތަކުން މައުލޫމާތާއި ހުރި ފުރުސަތުތައް އިތުރަށް ހާމަކޮށްދޭނެ އެވެ. އެގޮތުން އެކި ފަރާތްތަކުން ލިބެންހުރި ކޯސްތަކާއި އިތުރަށް ކިޔެވުމުގެ ފުރުސަތުތަކާއި ވަޒީފާގެ ފުރުސަތުތަކާ ބެހޭ މުހިންމު މައުލޫމާތު "ދާލަން" އެކްސްޕޯއިން ލިބިގެންދާނެ ކަމަށް ހަޔަ އެޑިޔުކޭޝަން މިނިސްޓްރީން ބުނެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.