ކްރިމިނަލް ކޯޓުގެ ހިންގުން ގާޒީ އާދަމް މުޙައްމަދާއި ހަވާލުކުރީ އޮންނަ އުސޫލުގެ ތެރެއިން: ޖޭއެސްސީ
ކްރިމިނަލް ކޯޓު ހިންގުން ގާޒީ އާދަމް މުޙައްމަދު އާއި ހަވާލު ކުރީ އޮންނަ އުސޫލުގެ ތެރެއިން ކަމަަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބުނެފިއެވެ.
ކްރިމިނަލް ކޯޓު ހިންގުން ގާޒީ އާދަމް މުޙައްމަދު އާއި ހަވާލުކުރީ އެކޯޓު ހިންގުމާއި ކުރިން ހަވާލުވެ ހުންނެވި ގާޒީ އަލީ ރަޝީދު ހުސެއިން ސުޕްރީމް ކޯޓުގެ ފަނޑިޔާރުކަމަށް އައްޔަން ކުރުމާއި ގުޅިގެންނެވެ.
ޖޭއެސްސީން މިއަދު ނެރުނު ބަޔާނެއްގައި ބުނެފައިވަނީ ކްރިމިނަލް ކޯޓުގެ ހިންގުން ގާޒީ އާދަމްއާ ހަވާލުކުރީ އުސޫލާ ހިލާފަށްކަމަށް ބުނެ ދައްކަމުންދާ ވާހަކަތަކުގައި ހަގީގަތެއް ނެތް ކަމަށެެވެ.
"ކޯޓެއްގެ އިސް ފަނޑިޔާރަކު ޗުއްޓީއެއްގައި (ހައްޖު، އުމްރާ ހިމެނޭގޮތަށް) ހުރެ ނުވަތަ ޒިންމާތަކުން ދާއިމީ ގޮތުން ވީއްލައިފައި ނަމަ ނުވަތަ ސަލާމުގައި ހުންނަ ހިނދު އެ ކޯޓުގެ ހިންގުމާ ވަގުތީ ގޮތުން ހަވާލުވެހުންނާނީ އެ ކޯޓެއްގައި އެންމެ ދުވަސްވީ ފަނޑިޔާރުންގެ ތަރުތީބުން" ޖޭއެސްސީން ބުންޏެވެ.
ނަމަވެސް ކޯޓެއްގެ އިސް ފަނޑިޔާރަކު ސަސްޕެންޑް ކުރެވޭ ހާލަތުގައި އެ ތަރުތީބުން އަމަލުކުރުން އިސްތިސްނާ ވާނެކަމަށް ވެސް ޖޭއެސްސީން ވަނީ ބުނެފައެވެ.
Ads by STO
