ރިނބިދޫ އަށް ރައީސް ވަޑައިގެންނެވީ ރައްޔިތުންގެ ދައުވަތަކަށް، ފުޓްސަލް ދަނޑު ހުޅުއްވައި ދެއްވީ އެދަތުރުގެ ތެރެއިން: މަޙްލޫފް
މިއަހަރުގެ ފެބްރުއަރީ މަހުގެ 19 އިން 20 އަށް ރައީސް އިބްރާހިމް މުޙައްމަދު ޞާލިޙު ނިލަންދު އަތޮޅު ދެކުނުބުރީ ރިނބިދޫ އަށް ފުޓްސަލް ދަނޑެއް ހުޅުވަން ކުރެއްވި ދަތުރުފުޅަށް ދެ ލައްކަ އަށްވުރެ ގިނަ ރުފިޔާ ޚަރަދުވި ކަމަށް ބުނެ ފެތުރެމުން އަންނަ ޚަބަރު މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމެންޓް އަޙުމަދު މަޙްލޫފް ދޮގު ކުރައްވައިފިއެވެ.
"ދިޔަރެސް" އިން މިކަމާއި ގުޅޭގޮތުން ލިޔެފައިވާ ޚަބަރު ހިއްސާ ކުރައްވަމުން މިނިސްޓަރ މަޙްލޫފު ކުރެއްވި ޓްވީޓެއްގައި ވިދާޅުވެފައިވަނީ، އެއީ ކަނޑައެޅިގެން ދޮގެއް ކަމަށާއި ރައީސް ޞާލިޙު އެރަށް ކުރެއްވި ދަތުރުފުޅަކީ އެރަށު ސްކޫލަަށް 50 އަހަރު ފުރިގެން ރައްޔިތުންގެ ދައުވަތަކަށް ކުރެއްވި ދަތުރުފުޅެއް ކަމަށެވެ.
"ދަތުރުގެ ތެރެއިން ފުޓްސަލް ދަނޑު ހުޅުއްވާދެއްވި" މިނިސްޓަރ މަޙްލޫފް ވިދާޅުވިއެވެ.
މިނިސްޓަރ މަޙްލޫފް މިހެން ވިދާޅުވި ނަމަވެސް އެނޫހުން ބުނެފައި ވަނީ
ރައީސް ޞާލިޙު ވެރިކަމަށް ވަޑައިގެންނެވި ފަހުން ކުރައްވާފައިވާ ރަސްމީ ދަތުރުފުޅުތަކަށް ކުރެއްވި ހަރަދުގެ ތަފްސީލު ހޯދަން އެނޫހުގެ ފަރާތުން ރައީސް އޮފީހަށް ހުށަހެޅުމުން، އެ އޮފީހުން ދިން މައުލޫމާތަށް ބަލާއިރު ދެ ދުވަހުގެ އެ ދަތުރަށް ޖުމްލަ 211،717.86 ރުފިޔާ ޚަރަދުކޮށްފައިވާ ކަމަށެވެ.
ރައީސް ޞާލިޙު ރިނބިދުއަށް ވަޑައިގެންނެވީ އެރަށުގައި ފުޓްސަލް ދަނޑެއް ހުޅުއްވައި ދެއްވުމަށާއި އެރަށުގައި ޤާއިމްކޮށްފައިވާ ސަގާފީ މަގެއް ހުޅުއްވައި ދެއްވުމަށް ކަމަށް ވެސް އެޚަބަރުގައިވެއެވެ.
Ads by STO
