ކޮވިޑް-19: އަލްޙަމްދުލިﷲ. ރައީސް މައުމޫން ބަލިން ރަނގަޅު ވެއްޖެ!
ފެތުރެމުން އަންނަ ކޮވިޑް-19 އަށް ފައްސިވީ ރާއްޖޭގެ ކުރީގެ ރައީސް މައުމޫން އަބްދުލްޤައްޔޫމް، އެބަލިން ރަނގަޅު ވެއްޖެއެވެ.
ރައީސް މައުމޫން ކޮވިޑަށް ފައްސި ވެފައިވާކަން ހާމަ ކުރެއްވީ މިދިޔަ އޮގަސްޓު މަހުގެ 25 ވަނަ ދުވަހުގެ ރެއެވެ. އަދި ހަމަ އެރޭ ފަރުވާއަށް އެމަނިކުފާނު ދަރުމަވަންތަ ހޮސްޕިޓަލުގައި އެޑްމިޓު ކުރިއެވެ.
ކޮވިޑް-19 އަށް ފަރުވާ ހޯއްދެވުމަށްފަހު، ބަލިން ރަނގަޅު ވުމުން ރައީސް މައުމޫން މިހާރުވަނީ އަނބުރާ ގެޔަށް ވަޑައިގަންނަވާފައެވެ.
"މާތް ﷲ ގެ ހެޔޮ ރަޙްމަތް ފުޅުން ކޮވިޑް ބަލިން ޝިފާ ލިބިގެން ހެޔޮޙާލު ގައި އަޅުގަނޑު މިއަދު ދަރުމަވަންތަ ހޮސްޕިލުން ގެޔަށް އަތުވެއްޖައިން. އެކިއެކި ބަލިބަލި ތަޙަންމުލު ކުރައްވާ ހުރިހާ ބޭފުޅުންނަށް އަވަސް ޝިފާއަކަށް އެދި ދުޢާކުރަން" ބަލިން ފަސޭހަ ވެއްޖެކަން ހާމަ ކުރައްވަމުން ރައީސް މައުމޫން ކުރެއްވި ޓްވީޓެއްގައި ވިދާޅުވިއެވެ.
ރައީސް މައުމޫން ކޮވިޑް-19 އަށް ޕޮޒިޓިވް ވެފައިވަނީ މިދިޔަ އޮގަސްޓު މަހުގެ 25 ވަނަ ދުވަހު އެވެ.
ރައީސް މައުމޫން ކޮވިޑަށް ފައްސިކަން އެނގިފައިވަނީ ރޯގާގެ އާލާސްކަންފުޅަކާއި ގުޅިގެން ޑޮކްޓަރަށް ދެއްކުމަށް ހޮސްޕިޓަލަށް ވަޑައިގެން ކޮވިޑަށް ޓެސްޓް ކުރެއްވުމުން ނެވެ.
