ވަޒީފާގެ ބާޒާރާ ގުޅޭ ސާވޭއެއް މާލެ ސަރަަހައްދުގައި ފަށައިފި
ރާއްޖޭގެ ވަޒީފާ އާ ގުޅޭ ސާވޭ، "ލޭބަ ފޯސް ސާވޭ 2024" މާލެ ސަރަހައްދުގައި މިއަދު ފަށައިފި އެވެ.
ލޭބަ ފޯސް ސާވޭއަކީ ރާއްޖޭގެ ވަޒީފާގެ މާކެޓާ ގުޅޭ މުހިންމު ތަފާސް ހިސާބު އެއްކުރުމަށް ކުރާ މުހިންމު ސާވޭއެކެވެ. އެ ސާވޭގައި އެއްކުރެވޭ މައުލޫމާތުން މަސައްކަތް ލިބިފައިވާ އާބާދީގެ ނިސްބަތާއި މަސައްކަތް ލިބިފައިނުވާ އާބާދީގެ ނިސްބަތް ފަދަ ވަޒީފާގެ މާކެޓާ ގުޅޭ އިންޑިކޭޓަރުތައް އެކުލަވާލާނެ އެވެ.
މޯލްޑިވްސް ބިއުރޯ އޮފް ސްޓެޓިސްޓިކްސްއިން ބުނީ ލޭބަ ފޯސް ސާވޭގެ ފީލްޑް ވޯކް ކުރިއަށް ދާނީ މިއަދުން ފެށިގެން އަންނަ ހޮނިހިރު ދުވަހަށް ކަމަށެވެ.
މި ސާވޭ ގެންދާނީ މާލެ، ވިލިމާލެ އަދި ހުޅުމާލެއިން "ރެންޑަމް" ކޮށް ހޮވާލެވިފައިވާ ގޭބީސީތަކަށެވެ.
ސާވޭގައި މައުލޫމާތު ނަގާނެ މައިގަނޑު ބައިތައް:
- މީހުންގެ އާންމު މައުލޫމާތު
- ހިޖުރަކުރުން
- ތައުލީމް
- ވަޒީފާ އާއި އާމްދަނީ ހޯދުމުގެ މަސައްކަތްކުރާ އާބާދީގެ ތަފްސީލު
- އާމްދަނީ ލިބޭ މަސައްކަތް ހޯދާ އަދި ލިބިފައި ނުވާ އާބާދީގެ ތަފްސީލު
- އާމްދަނީ ލިބޭ އަދި އާމްދަނީ ނުލިބޭ ގޮތަށް ކުރާ މަސައްކަތާއި ގޭތެރޭގެ މަސައްކަތުގައި ވަގުތު ހޭދަކުރާ މިންވަރު
- ހިލޭ ސާބަހަށް ކުރާ މަސައްކަތުގެ ތަފްސީލު
ކޮމެންޓް