އެއްތަނެއްގައި އުޅޭ ދެމަފިރިންނަށް އެކަކު އަނެކަކަށް ތަފާތުކޮށް ދިރިއުޅުމުގެ ހާލަތުގެ ޕޮއިންޓު މިސަރުކާރުން މިދެނީ ކީއްވެތޯ؟: ޑރ. މުޢިއްޒު
އެކުގައި، އެއްތަނެއްގައި އުޅޭ ދެމަފިރިންނަށް އެކަކު އަނެކަކަށް ތަފާތުކޮށް ދިރިއުޅުމުގެ ހާލަތުގެ ޕޮއިންޓު މިސަރުކާރުން ދެނީ ކީއްވެތޯ ކުރީގެ ހައުސިންގ މިނިސްޓަރ ޑރ. މުޙައްމަދު މުޢިއްޒު ސުވާލު ކުރައްވައިފިއެވެ.
ޑރ. މުޢިއްޒު މިފަދައިން ވިދާޅުވެފައިވަނީ ހިޔާ މަޝްރޫޢުގެ ދަފްތަރު ކެޓަގަރީން ޕޮއިންޓު ލިބިފައިވާ ގޮތުގެ ވަގުތީ ލިސްޓު މިއަދު ސަރުކާރުން ޢާއްމުކުރުމާއި ގުޅިގެން ކުރެއްވި ޓްވީޓެއްގައެވެ.
އެގޮތުން ޑރ. މުޢިއްޒު ސުވާލު ކުރައްވާފައި ވަނީ އެކުގައި، އެއްތަނެއްގައި އުޅޭ ދެމަފިރިންނަށް އެކަކު އަނެކަކަށް ތަފާތުކޮށް ދިރިއުޅުމުގެ ހާލަތުގެ ޕޮއިންޓު މިސަރުކާރުން ދެނީ ކީއްވެތޯ އާއި އެއީ ކޮން ގޮތަކަށް ބައްލަވާފައިތޯ އެވެ.
"މިއަދު ނެރުނު އެޗް9 ލިސްޓުގައި މިކަން ވަރަށް ގިނަ ރައްޔިތުންނަށް ދިމާވެފައިވާ ކަމުގެ ކަންބޮޑުވުން ދަނީ ލިބެމުން" ޑރ. މުޢިއްޒު ވިދާޅުވިއެވެ.
ހިޔާ" މަޝްރޫޢުގެ މާލޭ މުނިސިޕަލްޓީގެ ދަފްތަރުގައި ރަޖިސްޓްރީވެފައިވާ ފަރާތްތަކަށް ޚާއްސަ ކެޓަގަރީން ޕޮއިންޓް ލިބިފައިވާ ގޮތުގެ ވަގުތީ ލިސްޓު މިއަދު ޢާއްމު ކޮށްފައިވާއިރު އެލިސްޓާއެކު މާލޭ މުނިސިޕަލްޓީގެ ދަފްތަރުގައި ރަޖިސްޓްރީވެފައިވާ ފަރާތްތަކަށް ޚާއްސަ ކެޓަގަރީން ފްލެޓަށް ޝަރުތު ހަމަނުވާ 25 ފަރާތެއްގެ ނަން ވެސް ވަނީ އާންމުކޮށްފައެވެ.
ދިވެހި ސަރުކާރުގެ ގެޒެޓުގައި މިލިސްޓުތައް އާއްމުކޮށްފައިވާއިރު، ޝަރުތު ހަމަވާ 2775 ފަރާތަކަށް ޕޮއިންޓު ލިބިފައިވާ ގޮތުގެ ތަފްސީލް ސަބަބާއިއެކު ވަނީ އާންމު ކޮށްފައެވެ.
