ކައިގެ ގޭގައި މިއަދު އަލިފާން ރޯވެއްޖެ، އެންމެންގެ ހާލު ރަނގަޅު
ރާއްޖޭގެ މަޝްހޫރު މޮޑެލް ކައިޒީން (ކައި) ދިރިއުޅޭ އެޕާޓްމަންޓުގައި މިއަދު ހެނދުނު އަލިފާނުގެ ހާދިސާއެއް ހިނގައިފިއެވެ.
"ދެން" އަށް މައުލޫމާތު ދެމުން ކައި ބުނީ އެންމެ ފުރަތަމަ ރޯވީ ސިޓިންގ ރޫމްގެ ކަރަންޓު ބޯޑުގައި ކަމަށާއި ފަހުން އަލިފާންގަނޑު ފެތުރުނީ ކަމަށެވެ.
އަލިފާންގަނޑު ނިއްވާލީ އެމްއެންޑީއެފް ފަޔަރ އެންޑް ރެސްކިއު މީހުން ގޮސްގެން ކަމަަށް ވެސް ކައި ބުންޏެވެ.
މިހާދިސާ ހިނގީ މިއަދު ހެނދުނު 8:30 ހާއިރު ކަމަށް ވެސް ކައި ބުންޏެވެ.
"އަލިފާންގަނޑު ނިއްވާލަން ފަޔަރ މީހުން އަންނަން ތަންކޮޅެއް ވަގުތު ނެގި. އެގަޑީގައި ވަރަށް ވާރޭ ވެހުނީމަ ލަސްވީ އެމީހުން އަންނަން. އެހެން ފްލޯތަކުގެ މީހުން އައިސް އުޅުނު އަލިފާންގަނޑު ނިއްވާލެވޭތޯ އެހީވެދީފަ." ކައި ބުންޏެވެ.
އެ އެޕާޓްމަންޓުގައި އުޅެނީ ކައި އާއި، ކައި ގެ މައިންބަފައިންގެ އިތުރުން އޭނަގެ ދައްތައެވެ. އެއެންމެންގެ ހާލުވެސް ރަނގަޅު ކަމަށް ކައި ބުންޏެވެ. ނަމަވެސް އަލިފާން ރޯވީ ކަރަންޓު ބޯޑުގައި ކަމަށްވާތީ މިވަގުތު އެއިމާރާތުގައި ކަރަންޓެއް ނެތް ކަމަށް ވެސް ކައި ބުންޏެވެ.
"ކަރަންޓުގެ މަސައްކަތް ކުރަމުން ދަނީ. ކަރަންޓު ބޯޑު ޝޯޓު ވެގެން ފުރަތަމަ ކަނިކަނޑާފައި ދެން ކުއްލިއަކަށް ރޯވީ. ބޮޑަށް ހީވަނީ ބޯޑުގެ މައްސަލައެއްހެން" ކައި ބުންޏެވެ.
ކައިގެ ގޭގައި ހިނގި މިނުރައްކާތެރި ހާދިސާއާއި ގުޅިގެން ގިނަ ބަޔަކު ވަނީ އޭނާގެ ހާލުބަލާ، ހެޔޮ ދުޢާ ކޮށްފައެވެ. އެ އެންމެންނަށް ވެސް ކައި ވަނީ އިންސްޓަގްރާމް މެދުވެރިކޮށް ޝުކުރު އަދާ ކޮށްފައެވެ.
ކޮންމެ ގެއަކަށްވިޔަސް އަލިފާން ރޯވުމަކަށް ނޭދެން. އެ އިމާރާތުގަ ތިބިއެންމެން ސަލާމަތް ކުރެއްވީތީ ﷲ އަށް ޝުކުރު ދަންނަވަން. އެކަމަކު މަޝްހޫރު ކައިޒީންއޭ ކިޔައިގެން ކާފަރުން އުޅޭގޮތަށް އުޅޭ ތިކަހަލަ މީހުން ޕްރޮމޯޓް ނުކޮށްދިނުމަށް ހުރިހާ މީޑިއާތަކަށް ގޮވާލަން.