ކޮވިޑް19 ޖެހިފައިވޭތޯ ފޭސްބުކްް އިން ސުވާލު ކުރަނީ!
ކޮވިޑް19 ޖެހިފައިވޭތޯ ދުނިޔޭގެ ގިނަ ބަޔަކު ބޭނުންކުރަމުން އަންނަ މީސްމީޑިޔާ ވިއުގައެއް ކަމަށްވާ ފޭސްބުކް އިން ކުރިޔަށް އޮތް ދުވަސްތަކުގައި އަހާނެ ކަމަށް ފޭސްބުކް އިން ބުނެފިއެވެ.
ފޭސްބުކް އިން ބުނެފައިވަނީކޮވިޑް19 ގެ "ހީޓް މެޕް" އެއް ތައްޔާރު ކުރުމުގެ މަސައްކަތް އެކުންފުނިން ކުރަމުން އަންނަ ކަމަށާއި މިގޮތުން ޕްރޮޖެކްޓް ނިމުމާއެކު، ކޮވިޑް ޖެހިފައިތިބި ނުވަތަ އެބަލިން ސަލާމަތްވެފައިވާ ފަރާތެއް ކައިރީގައި އުޅޭނަމަ ޚާއްސަ މެޕަކުން އެކަން ދައްކާނެ އެވެ.
ކާގިނީ މެލަން ޔުނިވަރސިޓީއާއި ފޭސްބުކާއި ގުޅިގެން ކުރިޔަށް ގެންދިއުމަށް ހަމަޖެހިފައިވާ މިޕްރޮޖެކްޓް ފުރަތަމަ އަމާޒު ކުރަނީ އެމެރިކާއަށެވެ. އަދި އެއަށްފަހު ދުނިޔޭގެ އެހެން ޤައުމުތަކުގައިވެސް މިޕްރަޖެކްޓް ކުރިޔަށްދާނެ ކަމަށް ފޭސްބުކުން މަޢުލޫމާތުދެއެވެ. އަދި މިޕްރޮޖެކްޓްގެ ދަށުން،ތިމާއަށް ސިއްޙީ އެހީތެރިކަން ބޭނުންވާކަމަށް ޤަބޫލު ކުރޭވޭނެމަ، ސިއްޙީ މާހިރުންނާ ވަގުތުން ގުޅޭލެވޭ ފީޗަރއެއް ތައްޔާރު ކުރުމުގެ މަސައްކަތްވެސް ކުރިޔަށް ދާ ކަމަށް އެފަރާތުންވަނީ ބުނެފައެވެ.
ކޮވިޑް 19 ޖެހިގެން މިހާތަނަށް ދުނިޔެއިން 76 ހާހަށްވުރެ ގިނަ މީހުންވަނީމަރުވެފައެވެ. އަދި މިބަލި ޖެހުނު މީހުންގެ އަދަދު ދޮޅު މިލިއަނާއި ގާތް ކުރެއެވެ.
